Kronikë

Nga

Arsen Rusta

Dy rusët dhe ukrainasi që u vunë në pranga pas sulmit të rojeve në Uzinën ushtarake të Gramshit që hynë në Shqipëri me drejtime të ndryshme, përdornin një automjet tip ‘Chevrolet Camaro’ brenda të cilit u gjetën dy fishek model 5.56mm.

61-vjeçari Paulin Pacuku i cili një ditë më parë vrau nga pakujdesia bashkëshorten e tij Vitore Pacuku, është arrestuar nga Policia. Deri ne këtë faze hetimesh, ndaj babait të 2 fëmijëve janë ngritur akuzat vrasja nga pakujdesia dhe armëmbajtja pa leje.

Incidenti me tre shtetasit rusë dhe ukrainas në uzinën ushtarake të Gramshit ku ata sulmuan ushtarët me sprajt paralizues, ka rikthyer në vëmendje kërkesën e Ukrainës që vendet e BE dhe jo vetëm, të mos lëshojnë më viza turistike për shtetasit e federatës ruse. Kërkesa e Ukrainës pritet të merret në shqyrtim në takimin e ministrave të jashtëm të BE në Pragë

4 çekët të cilët u ndaluan një ditë më parë nga policia, pasi u futën në tunelet e uzinës së armëve në Poliçan janë lënë të lirë nga gjykata. 4 çekët do të hetohen në gjendje të lirë për shkelje të perimetrit të sigurisë. Ato kanë pretenduar se janë turistë dhe se nuk kishin asnjë qëllim të keq.

Dy të mitur janë shpallur në kërkim në Vlorë pasi kanë goditur me thikë një 21-vjeçar. Në kërkim janë shpallur shtetasit A. Q., 16 vjeç dhe M. M., 15 vjeç

6 qytetarë janë vënë nën hetim nga policia në Gjirokastër pasi kundërshtuan efektivët gjatë shoqërimit të tyre

Një sherr ka ndodhur mbrëmjen e sotme në Sarandë. Një 53-vjeçar dhe një 26-vjeçar janë konfliktuar fizikisht, si edhe kanë qëlluar me sende të forta 53-vjeçarin Sazan Duka.

Një aksident rrugor është regjistruar këtë mbrëmje në Lushnjë. Mësohet se një makinë është përplasur me një mjet bujqësor, ndërsa kanë mbetur të plagosur 6 persona.

Katër pushues, të cilëve iu prish skafi në det të hapur, janë arritur të shpëtohen. Ngjarja është regjistruar në detin e Kune Vain, teksa pushuesit kanë konstatuar se skafi i tyre kishte pësuar një defet teknik dhe nuk lëvizte.

Deputeti demokrat Gazment Bardhi ka reaguar pas incidentit në uzinën e Gramshit, ku dy rusët dhe ukrainasi tentuan të futeshin brenda, madje sulmuan edhe dy ushtarët shqiptarë. Bardhi sjell në vëmendje ligjin e miratuar nga qeveria që i ka hequr policisë ushtarake nga mbrojtja objektet ushtarake.

Një pemë është rrëzuar në aksin e vjetër Fier-Vlorë, pranë fshatit Mifol duke bllokuar lëvizjen e mjeteve. Nga pamjet duket që pema ka rënë mes për mes rrugës rrugën.

Shqiptarja.com rikthen një artikull qytetit të Poliçanit nga mediumi fotografik PetaPixel rreth një vit më parë. Poliçani ka qenë një nga qytetet me fabrikat më të mëdha të armatimit në vend në kohën e regjimit komunist. Në artikull përshkruhet e gjithë fabrika e armatimit në Poliçan si dhe fshehja e saj nga bota e jashtme. Stafi i tabloidit amerikan gjithashtu ka udhëtuar në Shqipëri për të parë pikërisht këtë depo armatimi, ku dhe kanë mundur të shkrepin disa foto.

Dy persona, njëri i mitur, janë lënduar gjatë një aksidenti në Korçë, mesditën e të dielës.

Report Tv ka udhëtuar në fshatin Cekin, aty ku ndodhi incidenti në uzinën e Gramshit. Gazetarja Enxhi Musaj ka arritur të sigurojë dëshminë e banorëve të zonës për ngjarjen, ku dy rusët dhe ukrainasit tentuan të futen në uzinë, ndërsa sulmuan me spraj kimik edhe dy ushtarët shqiptarë.