Kronikë

Nga

Eliza Gjediku

21 Bashki do të marrin 500 milionë lekë për trajtimin e mbetjeve, të cilat vitin e kaluar sollën edhe dëmtimin e sezonit turistik. Pjesën më të madhe të buxhetit e merr bashkia e Durrësit, e cila do t’i çojë mbetjet tek inceneratori i Tiranës.

Fushata promovuese e Ministrisë së Mbrojtjes për rekrutimin e të rinjve që duan të bëhen pjesë e Forcave të Armatosura, pati ndalesën e radhës në Vlorë. Me një ftesë drejtuar të rinjve nga mosha 18-27 vjeç, kapiten Edison Kaja tha se kjo është një mundësi e mirë për ata që duan të bëhen pjesë e misioneve të NATO-s.

Një 30-vjeçar ka humbur jetën ditën e sotme në Kamëz, si pasojë e një aksidenti.

Pas festave të fundvitit, janë shtuar kontrollet e policisë rrugore në kryeqytet, ku disa drejtues mjetesh janë gjobitur për shkak të shkeljeve të qarkullimit rrugor

Luan Daci, ish anëtari Kolegjit të Apelimit, kërkon nga Parlamenti të ngrejë një komision hetimor pasi ai pretendon se është dënuar padrejtësisht dhe shkarkuar pa fakt penal e ligj të shkelur.

Florian Dauti, kreu i PS në Frashër, njëherësh dhe drejtor i ujësjellësit në Bashkinë Përmet, është nën hetim nga policia, pasi u përplas me këto të fundit lidhur me një vend parkimi.

Burime nga Interpol bëjnë me dije se Genc Tafili kishte planifikuar të udhëtonte për në Stamboll ditën e Vitit të Ri kur u arrestua nga autoritetet gjermane.Ai ishte shpallur në kërkim për vrasjen e kryepolicit të Shkodrës, Arben Zylyftari, ngjarje e ndodhur në gusht të vitit 2000.

Gjykata e Shkodrës ka dënuar me 10 vite burgim Mark Kodrën, 47 vjeç, i cili me 29 maj të këtij viti qëlloi për vdekje bashkëfshatarin Emiliano Ndou, 25 vjeç

Mesnatën e djeshme policia e Kavajës ka arrestuar 2 persona, pasi në makinën me të cilën udhëtonin pa leje drejtimi kishin 6.5 gramë kokainë. 

Tre persona janë shoqëruar për ngjarjen që ndodhi mbrëmjen e kaluar në Vlorë, ku një sasi tritoli u vendos në makinën në pronësi të Bernard Sinomatit. Nga policia konfirmohet se nuk ka ende një pistë hetimi për faktin se automjeti kishte kohë që ishte i braktisur. 

Report Tv ka siguruar dëshminë e plotë të shoferit Hasan Salihu, i cili kishte shkuar për të marrë konteinerin me banane në Portin e Durrësit, ku u gjetën 119 kilogramë kokainë. Salihu ka deklaruar se është ndaluar nga 4 persona të maskuar, të cilët kanë kryer në kontenierin me banane një kontroll për rreth 30 minuta.

Vincens Piroli i shpallur në kërkim ndërkombëtar nga Mali i Zi mbeti i plagosur në një atentat të dyshimtë në Shkodër. I afërmi që e ka shoqëruar në spital deklaron se ka takua një shok, ndërsa vetë Piroli ka thënë se e kanë qëlluar pas shpine. 34-vjeçari u plagos me 3 plumba me një pistoletë me silenciator.

Tre persona janë arrestuar pasi akuzohen se kanë vjedhur disa banesa dhe biznese në qytetin e Korçës në periudha të ndryshme. Në pranga kanë rënë O. K., 43 vjeç; M. Q., 42 vjeç dhe Xh. P., 37 vjeç, të tre banues në Korçë.