Kronikë

Një nga ndalesat e kryebashkiakut Erion Veliaj në Budapest ku u inaugurua busti i Skënderbeut ishte dhe takimi me komunitetin shqiptar që studion dhe punon atje. Gjithashtu Veliaj bëri me dije se Budapesti do i bashkohet me aktivitetet që do të marrë Tirana për nismën 'Tirana Kryeqyteti Europian i Rinisë'.

Identifikohen dhe shpallen në kërkim policor 3 autorët që dyshohet se kanë rrahur me shkopa bejsbolli ditën e djeshme avokatin Marjel Mejdini në Sarandë.

Zjarri i vendosur në malin e Vithkuqit, ku u dogjën rreth 20 ha pyje, ishte i qëllimshëm. Ai ishte vendosur nga 54-vjeçari, Alfons Pinderi, i cili ndonëse thjesht është proceduar penalisht, ndonëse dëmi i shkaktuar është shumë i madh. Ndaj tij është caktuar akuza për veprën penale “Shkatërrimi i pronës me zjarr”.

Është firmosur marrëveshja për ndërtimin e Pikës së parë të daljes së gazit në Fier, që do të përshpejtoj procesin e gazifikimit të vendit. Ky investim sipas kryeministrit Edi Rama do të ndikojë në zhvillimin ekonomik të vendit.

Ministrja Olta Xhaçka iu bën thirrje qytetarëve shqiptarë që përpara se të udhëtojnë drejt vendeve të BE të informohen në kohë reale për të gjitha kriteret e vendosura nga vendet specifike të unionit.

 “Arrest me burg” ka dhënë gjykata e shkallës së parë në Shkodër për dy mjekët Ervin Sulaj dhe Serdi Memini si dhe infermieren nga Shkodra Diellë Macaj. Ndërkohë për shtetasin Fatbardh Dyli babai i shtetasit të plagosur Elmidin Dyli gjykata dha masën e sigurisë “detyrim paraqitje” duke e liruar atë, kjo me kërkesë të prokurorisë së Shkodrës.

Policia ka vënë në pranga ditën e sotme kryeplakun e Peqinit pasi janë konstatuar disa fidanë kanabis, të cilët ishin mbjellë në një zonë të pyllëzuar. Kryeplaku  i Peqinit është identifikuar si Ramazan Dybeli, 59-vjeç.

4 anëtarët e familjes Gjoka, nëna me 3 fëmijët, që u lënduan nga shpërthimi i bombolave të gazit në hotelin e tyre në Velipojë, vijon të jetë kritike, për shkak të djegieve të shumta trupore.  Duke qenë se të katërt janë me dokumente të rregullta si emigrantë në Itali familja ka vendosur që të transferohet në spitalet e këtij vendi për kurim të specializuar.

Kjo është 33-vjeçarja Dava Ndoj, nga fshati Markatomaj i Lezhës, e cila një ditë më parë i përfshi në një konflikt me familjaret e burrit me të cilin është në proces divorci. Urdhrat e mbrojtjes nuk e kanë shpëtuar nënën e 4 fëmijëve nga dhuna, e cila thotë se është e vazhdueshme që prej muajin janar të këtij viti, pasi është në proces gjyqësor me bashkëshortin e saj. Ajo shpjegon ngjarjen e ndodhur 1 ditë më parë, ndërsa faturat që ka pësuar nga dhuna duken qartë.

Universiteti Politeknik  i Tiranës do të kthejë  Zonën e Trajtimit të Mbetjeve në Zonë të kërkimeve shkencore.  Marrëveshja midis shoqërisë koncesionare që operon në Sharrë “Integrated Energy” dhe Universitetit Politeknik, u firmos nga rektori i universitetit Politeknik prof dr. Andrea Maliqari dhe nga administratorja e “Integrated Energy” zonja Ariola Kodra.

Ibrahim Lami dhe Bujar Murati janë 2 biznesmenët e arrestuar së bashku me kryebashkiakun e Lushnjes Fatos Tushe dhe 8 zyrtarë të tjerë të bashkisë pasi janë të përfshirë në një tender abuziv të ditëve të fundit prej 24 mln lekët për rehabilitimin e kanalit ujitës

Abuzimi me tenderat dhe fondet publike çoi sot në pranga kryebashkiakun e Lushnjes Fatos Tushe, 8 vartësit e tij dhe 2 biznesmenë. Fatos Tushe, Flamur Peqini, Ibrahim Lami, Bujar Murati, Gazmend Çela, Bektash Nexha, Blerta Turku janë lënë në arrest me burg, kurse në arrest shtëpie janë lënë Xhemal Hasko, Margartia Gjermëni, Andri Musho, Ani Simoni

Ministrja e Shëndetësisë, Ogerta Manastirliu ka bërë me dije se të gjitha spitalet rajonale janë pasjisur me mamografi. Gjatë inspektimit të Spitalit Memorial të Fierit, Manastirliu është shprehur se ky investim ka nisur që në vitin 2018 për të gjitha spitalet rajonale që iu mungonte kjo teknologji dhe përfundoi në Fier.