Kronikë

Vijon moti me kthjellime dhe vranësira të herë pas hershme në të gjithë vendin, kushte të cilat mbeten prezente deri pas mesditës kur vranësirat bëhen më të dendura por sërish vendi rrezikohet vetëm nga ndonjë shi afatshkurtër dhe kryesisht në zona të izoluar në Lindje të vendit.

Pas Kukësit, Komisioni Qendror Zgjedhor do të miratojë nesër tabelat për rezultatin e votimit në 11 qarqet e tjera. Në mbledhjen që pritet të zhvillohet nëse në orën 15, pritet që të miratohet tabela për rezultatin e votimit në zonat zgjedhore për 11 qarqe, për subjektet zgjedhore dhe për kandidatët për deputetë për zgjedhjet për Kuvendin e Shqipërisë të datës 25 prill 2021

Kalvin Pjetri u largua nga Shqipëria në dhjetor 2020 drejt Britanisë së Madhe që të shërbente në rritjen e hashashit, por sapo mbërriti atje, i riu u arratis dhe anëtarë të dyshuar të grupit në Shqipëri të gjobisin dhe kërcënojnë me jetë të atin e tij në Shqipëri, se do e vrasin nëse nuk u jep paratë. Grupi që merret me hashashin i ka vënë biznesmenit Ben Pjetri, babait të Klavin Pejtrit, gjobë prej 100 mijë paund, pasi pretendon se i është shkaktuar dëm financiar meqenëse djali tij braktisi ‘shtëpinë e hashashit’ në Britaninë e Madhe. Vetë Ben Pjetri shprehet se ai nuk e paguan gjobën prej 100 mijë paund dhe se nuk është frikacakë dhe trembet nga disa ‘picirrukë’ edhe sikur ta vrasin.

Me qëllim përmirësimin e performancës së digës së Liqenit Artificial dhe funksionimin normal, si dhe shtimin e kushteve të sigurisë së saj, Ndërmarrja Ujësjellës-Kanalizime Tiranë njoftoi sot se ka nisur procesin për rikonstruksionin e portës së digës së Liqenit Artificial

Stresi që sjell trafiku në Tiranë hap sherre dhe konflikte nga më të pabesueshmet. Deri tek konfrontimi mes një taksisti që duhet ta çonte sa më shpejt në destinacion një qytetar, me të cilin u grind pasi ky i fundit i jepte pa pushim sugjerime se nga të kalonte për të shmangur radhët e gjata. 

Kryeministri Edi Rama ka publikuar punimet në Urën e Madhe të Kukësit, që është pjesë e Rrugës së Kombit. Rama shkruan se puna atje vijon pa ndërprerje në mënyrë që kësaj rrugë t’i shtohet ura moderne mbi lumin Drin.

Një zjarr ka rënë në lagjen “Kongresi i Elbasanit” në bodrumin e një  pallati. Për pasojë janë djegur disa materiale të një biznesi në pronësi të shtetasit D. Ç., dhe nuk ka probleme në jetën e banorëve

Zv/kryeministri Erion Braçe ka publikuar foto nga punimet në rrugën e Çermave, ku shkruan se në këtë rrugë por edhe në të tjera si Grabian apo Bicukëz puna po vijon pa u ndaluar dhe se këto investime nuk janë bërë për efekt zgjedhjesh, siç akuzohet nga opozita.

Shifrat e qytetarëve të infektuar me COVID në vendin tonë kanë ardhur në rënie. Në 24 orët e fundit janë shënuar 38 raste të reja nga 1762 testimeve të kryera. Ndërkohë betejën me virusin nuk e kanë fituar 2 qytetarë. Ministria njofton se me gjithë përpjekjet e stafit mjekësor, një qytetar nga Shkodra dhe një qytetar nga Durrësi të moshave 83-90 vjeç kanë humbur betejën me COVID19.

55-vjecarja nga Tirana, Lirie Manjani rezulton e humbur, që prej mesditës së 2 majit. Të shqetësuar edhe për shkak të shëndetit të saj, pasi prej 17 vitesh vuan nga skleroza, familjarët iu drejtuan këtë të hënë për ndihmë emisionit 'Pa Gjurmë' në Report TV.

Gjykata e Dibrës ka vendosur masën ‘arrest me burg’ për Florjan Tonuzin, i cili vrau me thikë të vëllanë disa ditë më parë në Maqellar të Dibrës. Vetë Florjan Tonuzi është shprehur i pavetëdijshëm për veprimin makabër të kryer duke thënë para gjykatësit se nuk e di se çka bërë, pasi nuk ka qenë i vetëdijshëm.

Katër ish-të dënuar politik janë ngujuar në ish-burgun famekeq të Qafë Barit në përpjekje për të sensibiluar qeverisë për miratimin e statusit të posaçëm për këtë kategori. Kryetari i shoqatës, Zenel Drangu tha se jemi mashtruar nga ish-kryeministri Berisha ndërsa kërkon negociata me qeverinë Rama.