Kronikë

Përgjaket muaji i shenjtë i Ramazanit!  Një sulm me thikë është regjistruar pasditen e kësaj të hëne në xhaminë ‘Dine Hoxha’ te rruga e Kavajës, ku kanë mbetur të plagosur 4 besimtarë, teksa po faleshin. Report Tv ka mësuar të gjithë dinamikën e ngjarjes, ku mësohet se i riu i identifikuar Rudolf Nikollaj ka plagosur fillimisht punonjësin e picerisë, e më pas ka shkuar në xhaminë që ndodhet përballë rrugës duke sulmuar me thikë 4 besimtarë, fatmirësisht jashtë rrezikur për jetën.

Ministrja e Arsimit, Evis Kushi, ka reaguar pas vendimit të Komitetit Teknik të Ekspertëve për rikthimin në klasa të nxënësve të klasave të dyta dhe të treta të gjimnazeve. Me një postim në Facebook, Kushi shkruan se ky vendim i Komitetit, vjen si një reagim pas kërkesës së Ministrisë.

Drejtorja e Institutit të Shëndetit Publik, Albana Fico u shpreh se Tirana ka numrin më të lartë të rasteve aktive me COVID, duke shtuar se ka një rritje të numrit të infeksioneve në Gjirokastër, Korçë e Berat.

56 shërbime publike të Institutit të Sigurimeve Shoqërore ofrohen online në platformën e-Albania. Falë të cilës, veçanërisht për shërbimet e ISSH-së qytetarët nuk kanë kursyer vetëm kohë, ecejake e lodhje, por kanë kursyer edhe dokumentet shoqëruese, që i duhen gjatë aplikimit.

Ndërsa procesi i vaksinimit në vend vijon me ritme mjaft të shpejta, 208 mijë doza të tjera vaksinash AstraZeneca dhe 8190 doza të Pfizer kanë mbërritur. Ministrja Ogerta Manastriliu tha se në total deri më tani janë marrë mbi 700 mijë vaksina.

Nja ngjarje e rëndë ka tronditur Italinë, ku 51-vjeçari Gëzim Alla me origjinë shqiptare ka qëlluar në kokë me çekiç bashkëshorten e tij, Dorina Alla duke e vrarë në sytë e fëmijëve.

Në Rinas është arrestuar italiani Gabriele Tarroni Longinotti 49 vjeç, për të cilin Gjykata e Rrethit Gjyqësor Tiranë, ka caktuar masën e sigurisë “Arrest me burg” për mashtrim.  Gazetari i Report Tv Arsen Rusta siguron dosjen e vendimit të gjykatës ku shpjegohet e gjithë skema e mashtrimit që ka çuar në pranga italianin.  Longinotti është arrestuar pak ditë më parë sapo ka mbërritur nga Italia. Ai ka mbritur te Nënë Tereza më 29 mars dhe masa është dhënë në 14 mars përpara se të mbërrinte në Shqipëri

Arrestohet Nel Shyti, i cili përplasi për vdekje me makinë 10-vjeçaren Brunilda Cami në Bulqizë ditën e djeshme.

Duket se ditët e fundit të fushatës elektorale kanë ndezur tensionet me simpatizantëve të partive politike, ku në orët e para të mëngjesit të sotëm është qëlluar me armë zjarri në drejtim të dy automjeteve të kreut të PS në fshatin Gomsiqe të Velipojës, David Ndocit.

Ditën e djeshme është ulur avioni “Lasgushi”, i pari në Aeroporti e ri të Kukësit. Marie Poradeci, vajza e shkrimtarit të madh, Lasgush Poradeci emrin e të cilin ka marrë avioni i “Air Albania”, përmes një postimi në rrjetin e saj social Facebook, shkruan se i gufon zemra kur sheh avionin që sjellë vaksina dhe çan qiejt e Evropës me emrin e babait të saj në shpinë.

Si pasojë e situatës së krijuar prej pandemisë Greqia ka shtyrë deri më 26 prill afatin e bllokimit të pikës kufitare Kapshticë. Ndwrkaq dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve

Një kuadër të operacionit antidrogë "Porositësi" në Korçë janë arrestuar 3 persona. Policia njofton se janë sekuestruar 12 gram kokainë dhe 38 gram lëndë e dyshuar narkotike heroinë.

Nëse një polic i Shqiponjave nuk do të kishte ndërhyrë, gjithçka mund të kishte përfunduar në tragjedi. 29-vjeçari Shkëlzen Tafa nuk ndodhej në shërbim, por krejt rastësisht, me të parë se në mes të rrugës, në zonën e Yzberishtit në Tiranë, po rrezikohej jeta e një çifti, burrit dhe gruas së tij shtatzënë, ka nxituar të ndërhyjë duke i nxjerrë armën për ta neutralizuar shoferin e një makine që po tenonte t’i merrte para duke i shtypur.