Kronikë

Që prej aplikimit të parë të ardhur nga fshati Gruemirë, pas hapjes së aplikimit në datën 15 janar, më shumë se 1.500 fermerë kanë aplikuar deri tani në skemën e karburantit falas për bujqësinë.

Një aksident rrugor u regjistrua ditën e sotme Rrogozhinë. Një kamion humbi kontrollin dhe përfundoi në rrethrrotullimin e Bishtit të Zhurit në Rrogozhinë. Fatmirësisht, shoferi ka shpëtuar dhe ka pasur vetëm dëme materiale.

Të shtëna me armë zjarri janë regjistruar sot në qytetin e Vlorës. Është qëlluar nga një makinë në lëvizje në drejtim të Marjon Mitros, i arrestuar më parë për akuzën e “Akteve Terroriste” dhe se ishte anëtar i bandës së vrasësve me pagesë të Julian Sinanajt. Porositi atentatin që mbeti në tentativë ndaj prefektit të Vlorës Besnik Dervishi.

Gomonia e cila u gjet ditën e djeshme në Vlorë vijon të qëndrojë në fshatin Delisuf. Një patrullë e policisë kufitare qëndron në monitorim të gomones që prej mbrëmjes së djeshme.

Në konferencën e përjavshme për shtyp në Kryeministri 'Ekonomia në fokus', është përqendruar në sektorin e bujqësisë. Kryeministri Rama ka dalë para mediave me ministren Milva Ekonomi.  Në një panoramë të punës që ministrja bëri tha se eksportet e produkteteve bujqësore shqiptare janë rritur 145% krahasuar me vitin 2013.

Një 33-vjeçar u arrestua nga policia për trafikimin e kokainës në sasi të vogla. 33-vjeçari me iniciale A.A. u arrestua në zonën e ’21 dhjetorit’ në kryeqytet pasi gjatë kontrollit fizik të tij iu gjet një sasi prej 800 gramë kokaine.

Pasditen e djeshme në qytetin e Patras, në Greqi Marios Matai, 27 vjeçari me origjinë shqiptare ka mbetur i vrarë pasi është qëlluar me armë zjarri 5 herë ndërkohë që po udhëtonte me makinën e tij private.