Kronikë

Operacioni Forca e Ligjit është shtrirë këtë të mërkurë në tre qytete, në Durrës, Skaprar dhe Berat. OFL u ka dërguar formularin e pasurisë 5 të dënuarve.

Një prej 4 familjeve që morën sot çelësat e banesës së re nga kryeministri Rama dhe kryebashkiaku Erion Veliaj është dhe ajo e Indrit Plakut në Farkë, i cili është eksponent i lartë i PD-së në zonë  dhe njëherësh edhe kushëri me Fatbardh Plakun, ish-funksionar i lartë në qeverisjen e djathtë.

SPAK ka regjistruar si procedim penal kallëzimin penal për privatizimin e Kompleksit Sportiv “Partizani”. Gazetari i Report Tv Arsen Rusta raporton se është hedhur shorti dhe goglat kanë zgjedhur prokuroren Enkeleda Millonai e cila do të marrë në ngarkim këtë çështje.

Çështja e kreu e Shërbimit të Provës në Kurbin, Lindita Lelçaj, e cila u arrestua dje pasi dyshohet për korrupsion do t'i kalojë Prokurorisë së Posaçme Kundër Korrupsionit dhe Krimit të Organizuar (SPAK). Lelçaj është prangosur sapo i dha paratë një agjent i infiltruar i krimit ekonomik. Ajo akuzohet për korrupsion aktiv të zyrtarëve publik

Nga

Arsen Rusta

Prokuroria e Posaçme kundër Korrupsionit dhe Krimit të Organizuar njoftoi dje se ka përfunduar hetimet në ngarkim të ish-kryetares së Bashkisë së Gjirokastrës, Zamira Rami dhe ka çuar në GJKKO çështjen. Ish-kryebashkiakja Rami rrezikon të dënohet deri në 7 vite burg, në bazë të nenit 248 të Kodit Penal.

Nga

Arsen Rusta

Gara për Byronë Kombëtare të Hetimit vazhdon ende në fazën e testit të poligrafit. Përpara testit me makinën e së vërtetës, 39 kandidatët e kualifikuar për fazën e fundit i janë nënshtruar testit të COVID.

Prokuroria e Tiranës zyrtarizoi akuzën për policin Nevaldo Hajdaraj i cili vrau Klodjan Rashën më 8 dhjetor. Organi i akuzës ka vendosur "Vrasje me dashje" për efektivin i cili rrezikon deri në 20 vite burg. Prokuroria njofton se ka siguruar pamjet filmike ku qartësohet momenti i goditjes me armë nga punonjësi i policisë. Ai kishte qëlluar në pozicion të shtrirë dhe kishte shënjestruar trupin e Rashës e jo këmbët siç kishte dëshmuar polici.

2020 ka qenë një vit i vështirë financiar për Bashkinë e Lezhës, pasi ka ndikuar termeti dhe pandemia. Kryebashkiaku Pjerin Ndreu tha se niveli i mbledhjes së taksave është i ulet, ndaj ai ka ka shkurtuar vendet e punes dhe ka reduktuar investimet.

Një aksident rrugor është regjistruar mëngjesin e sotëm (16 dhjetor) tek rrethrrotullimi pranë Urës së Dajlanit në Durrës. Dy makina, një tip "Benz" dhe një "Toyota" janë përplasur me njëra tjetrën ku një prej tyre ka hipur mbi trotuar.

Në lidhje me vrasjen e Anton Kelit në Rrëshen janë shoqëruar në polici disa persona të cilët po merren në pyetje, por ende nuk ka asnjë të ndaluar. Sipas burimeve viktima dyshohet se është qëlluar me armë zjarri automatik "skorpjons" dhe tre plumba e kanë prekur në trup në organet jetësore.

Në 24 orët e fundit është rritur shumë numri i personave që kanë kaluar nga Greqia përmes kufirit të Kapshticës në Shqipëri. Gjatë kësaj periudhe kohe në Shqipëri kanë hyrë 508 persona dhe 160 mjete të tonazhit të rëndë.

Drejtori i Përgjithshëm i Policisë së Shtetit i akordon “Certifikatë për Shërbime të dalluara", Oficerit Ndërlidhës të vendeve të BENELUX, me rastin e përfundimit të misionit të tij në Shqipëri.

Policia e Tiranës ka vënë në pranga 2 persona pasi dyshohen se kanë vjedhur qytetarë në autobusët e Tiranës. Gjithashtu nga uniformat blu të Tiranës janë arrestuar edhe 5 të tjerë për vepra të ndryshme penale.

Mëngjesin e sotëm ministrja e mbrojtjes Olta Xhaçka në rrjetin e saj social Facebook, ka postuar një video nga Forcat e Armatosura ndërkohë që po stërviteshin trupat e batalionit të III të këmbësorisë në Poshnje.

Gjykata e Vlorës ka dhënë masat e sigurisë për 32 të arrestuarit nga operacioni antidrogë në Vlorë. Për 27 prej tyre është dhënë masa "arrest me burg" kurse 5 të tjerë janë lënë në "arrest shtëpie". Në arrest shtëpie është lënë Ismet Hyseni i cili ka shfaqur shenja të COVID si dhe 4 të tjerë që janë në kërkim.