Kronikë

Një i burgosur shqiptar në Angli ka marrë vëmendjen e mediave pasi ai përdor një telefon nga qelia për t’u futur në rrjete sociale. Madje ai ka postuar dhe foto në Instagram nga qelia e tij. 

Kanali kullues është i bllokuar e për pasojë, uji po përpin dunat ranore dhe pyllin e Semanit. Për këtë fenomen flasin me shqetësim banorët dhe peshkatarët e Darëzezës në Fier.

SPAK shprehet se hetimi aktualisht po zhvillohet në Itali dhe se për nisjen e një hetimi në Shqipëri do të vendosin pasi të komunikojmë me palën italiane për të parë edhe provat që mund të implikojnë emrat e përmendur gjatë përgjimeve.

Një ditë pas konfirmimit nga gjykata, GJKKO u ka komunikuar masën e sigurisë ‘arrest me burg’ për kryeinspektorin Dritan Nikolli dhe inspektorin Ermal Baci. Dy të pandehurit nuk kanë folur asnjë fjalë përpara gjykatës, por sipas SPAK dyshohet se ata merrnin nga subjektet me shumën e 1-3 mijë euro.

Gjykata e Tiranës ka dhënë masën e sigurisë ‘detyrim paraqitje’ për 9 të arrestuarit për kontrabandë mallrash nga aeroporti i Rinasit, mes tyre dhe 4 doganierë.Bëhet fjalë për të arrestuarit Byordi Kasmi, Alkida Lazri, Qani Lazri, Lonora Legisi, Altin Legisi si dhe për 4 doganierët Baftjar Kazias, Theodhor Naçi, Muhamet Liçaj dhe Edlira Saliaj.

Zemra plot për familjen Dardeshi, pas ardhjes në jetë shëndosh e mirë të trinjakëve në maternitetin "Mbretëresha Geraldinë".

Është ndarë nga jeta për shkak të një sëmundje të rëndë gjyqtari i Gjykatës së Rrethit Gjyqësor Tiranë, Martin Deda.

Pavarësisht reshjeve të shiut që kanë përfshirë vendin tonë, vijon puna në kantierin për ndërtimin e Spitalit të Fierit, një investim nga Turqia. Makineritë nuk e kanë ndërprerë punën e tyre pavarësisht kushteve jo të favorshme teksa po përgatisin terrenin për ngritjen e strukturës së spitalit.

Kryeministri Edi Rama ka përshëndetur qytetarët me një foto nga Mali i Tomorrit që ndodhet mes Skraparit e Beratit duke i uruar një ditë të mbarë. Përshëndetjet nuk kanë munguar as nga presidenti Ilir Meta, i cili këtë fundjavë ka zgjedhur që ta kalojë në Vlorë, vendin e përzemërt të Kryeministrit.

Një 41-vjeçar është arrestuar pasi ka dhunuar me shkop druri nënën e tij pas një konflikti mes tyre.

Mëngjesin e kësaj të diele, mjeku i njohur infeksionist Tritan Kalo përmes një postimi në rrjetin e tij social Facebook është shprehur se njerëzit nuk duhet të humbasin besimin te mjekët dhe te puna e tyre për të shpëtuar sa më shumë jetë njerëzish të preku nga kjo “ flamë mbarëbotërore”.

Gjykata e Posacme Kundër Korrupsionit dhe Krimit të Organizuar lë në burg Rexhep Ipekun i arrestuar pak ditë më parë si pjesë e një grupi për trafik narkotikësh. Avokatët mbrojtës të tij, janë shprehur se do të ankimojnë vendimin në Gjykatën e Posaçme të Apelit.

Një 55-vjeçar i cili ishte në kërkim prej 6 vitesh për ngacmim seksual ndaj të miturve është arrestuar në Greqi dhe është ekstraduar drejt Shqipërisë. Bëhet fjalë për Sokol Metajn, banues në Tiranë i cili ka qenë trajner futbolli për moshat e reja.

Sot shënohet dita ndërkombëtare e arsimit. Ministrja Evis Kushi ka zgjedhur të urojë këtë ditë të shënuar nga OKB, nëpërmjet një videoje ku shfaqen mesazhet e saj, të nxënësve e stafit shkollor gjithashtu.

Ditën e djeshme është ndarë nga jeta profesori i njohur Luigji Vaso, i cili ka dhënë mësim në katedrën e Universtetit Ekonomik në lëndën e kontabilitetit.

Nisja e reshjeve të shiut ka shtuar friken për rrëshqitje dherash në lagjen "Varosh"të Lezhës,  ku erozioni është shfaqur frikshëm. Prefekti shprehet se nuk duhet të ishte lejuar ndërtimi dhe as legalizimi në këtë kodër, ndërsa banorët apelojnë për ndihmë.

Gjatë orëve të mbrëmjes në qarkun e Korçës ka pasur reshje shiu me intensitet mesatar dhe në lartësinë mbi 1300 metra ka pasur reshje dëbore. Trashësia e dëborës arrin deri në 10 cm në disa rrugë. Mëngjesi i sotëm ka sjellë pakësimin e reshjeve.

Një aksident me pasojë vdekjen e një 46-vjeçari u regjistrua mbrëmjen e djeshme në aksin rrugor Fushë Krujë – Laç. Policia njofton se janë përplasur 3 mjete, tip “Ford”, “Audi” dhe “Toyota”. Për pasojë ndërroi jetë 46-vjeçar me iniciale A.S., drejtuesi i mjetit ‘Ford’ banues në Pukë.

Parashikimi i motit 24 janar.