Kronikë

Kjo e diel për qytetarët e Tiranës duket të jetë një ditë pushimi e zakonshme, pasi kanë dal të shëtisin të pa shqetësuar nga virusi, armikun e dukshëm tashmë ne zonën e liqenit. Por të dielat tona nuk duhet të jenë më të njëjta pasi jemi të rrezikuar, pamjet në fjalë janë publikuar ditën e sotme dhe paraqesin dyndjen e rrezikshme të njerëzve.  

565 raste të reja dhe Kjo e diel ka shënuar një ulje të ndjeshme të rasteve të reja me COVID-19 si edhe personave që kanë humbur betejën me këtë virus. Si rezultat i 2084 testime, kanë rezultuar pozitiv 565 persona, 146 vetëm në kryeqytet. Fatkeqësisht kanë humbur jetën 14 persona, 1 më shumë se dje. 14 humbje jete në 24 orët e fundit me COVID. 

Një aksident me vdekje është regjistruar pasditen e së dielës në vendin e quajtur “Shkalla e Tujanit” në Tiranë. Si pasojë e përplasjes ka humbur jetën në vend një 68-vjeçar, ndërsa janë plagosur dy persona të tjerë.

Reshjet e dëborës me intensitet të ulet të shoqëruara edhe me era përfshinë mbrëmjen e djeshme disa nga zonat malore në juglindje të vendit, por që nuk ka shkaktuar probleme me rrugët apo bllokimin e tyre. Ndërkohë për sa u përket drejtuesve të mjeteve që do t'i drejtohen sidomos Dardhës, ARRSH u bën thirrje të jenë të kujdesshëm dhe të marrin masat për t’u pajisur me goma dimërore.

Ndotje, kafshë të ngordhura dhe derdhje të ujërave të zeza, kjo është pamja që po ofron Lumi i Osumit në Berat në këtë periudhë. Qytetarët janë shfaqur të alarmuar për këtë situatë dhe shqetësimin e tyre nuk kanë nguruar ta shprehin për  mikrofonin e Report TV duke thënë se brenda Lumit të Osumit ka edhe derdhje të ujërave të zeza dhe mbetjeve nga fabrikat e vajit.

Shkolla e re 9-vjeçare “Shtodhër” në Helmës të Kavajës është drejt përfundimit, më e bukur, më e fortë e me kushte optimale sipas standardeve më të mira evropiane për fëmijët e për mësuesit.

Mjeku Dritan Kociaj përmes një statusi në rrjetet sociale ka shkruar se pacientët trajtohen në autoambulanca jashtë spitalit “Shefqet Ndroqi” prej disa orësh pasi nuk ka vende as në urgjencë dhe as në pavjone.

Pas denoncimit të skandalit nga Shqiptarja.com të festës së organizuar për ditëlindjen e aktorit Bes Kallaku kundër masave anti-covid, policia gjobit pronarin e lokalit, pezullon nga detyra 6 efektivë policie dhe pritet të ndëshkojë 30 të ftuarit në ceremoni, mes tyre edhe Ilir Meta dhe Monika Kryemadhi. Ceremonia e ditëlindjes së aktorit Bes Kallaku u zhvillua në shkelje të plotë të rregullave anti-covid për ndalimin e organizimeve festive.

Në këtë luftë janë përfshirë edhe ekipet mjekësore të Forcave Ushtarake, ku përveç trajtimit të ushtarakëve dhe familjarëve të tyre ata janë kujdesur edhe për qytetarët e thjeshtë.

COVID-19 i ka marrë jetën inxhinierit Skënder Hajdini në Maliq.

60 punëtorë sezonalë janë kthyer mbrapsht nga autoritetet shëndetësore greke në Kakavijë, pasi dy prej tyre rezultuan pozitiv me koronavirus, edhe pse ata kishin me vete një test negativ të bërë në laboratorë të specializuar për të bërë testimin. Ata kanë dalë pozitiv nga testi i shpejtë i bërë në kufi nga pala greke, ku dje në mbrëmje u kthye një autobusë me 40 punëtorë sezonal dhe sot një tjetër autobusë me 20 punëtorë që ishin nisur drejt Selanikut.

Arkivi shqiptar hap sallë studimi në Shkup dhe pwr studiuesit qw do të vijnë në Këndin Arkivor në Shkup, është njësoj sikur të ishte në Tiranë pa as edhe një lloj ndryshimi. Salla e studimit e Arkivit të Shqipërisë do të jetë përtej kufirit, edhe në Maqedoninë e Veriut!

Report TV mëson se i infektuar me covid është zv.drejtori i Rendit i Drejtorisë Vendore të Policisë Tiranë, Dhimitraq Ziu.

Duke e cilësuar si një njollë që i bëhet bluzave të bardha, mjeku Kalo shprehet i indinjuar me klasën politike që po politizon në mënyrë të tejskajshme sistemin shëndetësor duke rrënuar profesionalizmin dhe profesionalistët që janë në vijë të parë të luftës me COVID-19.