Kronikë

Një ngjarje e rëndë është regjistruar mëngjesin e sotëm në qytetin e Korçës. 2 persona ende të paidentifikuar kanë dhunuar kambistin Anxhel Rrenja, 34 vjeç, i cili ka në pronësi një dyqan exchange, dhe më pas i kanë marrë një sasi të madhe parash. 

Ministrja e Shëndetësisë dhe Mbrojtjes Sociale, Ogerta Manastirliu, zhvilloi një vizitë në Qendrën Shëndetësore Nr. 2 në Tiranë, ku pa nga afër mënyrën se si funskionon implementimi i financimit të plotë për paketat e trajtimit ambulator falas për pacientët që trajtohen në shtëpi.

Sipas policisë kufitare të Morinës deri në orën 9 të mëngjesit kaluan rreth 1700 automjete dhe rreth 4700 qytetarë të Kosovës drejt Shqipërisë. Pika kufitare po punon me 4 sportele.

COVID-19 i ka marrë jetën presidentit të televizionit “Fax News” Kasem Hysenbelliu. Pas infektimit dhe rëndimit të gjendjes ai ishte dërguar në Turqi për kurim, por nuk mundit të fitonte dot betejën me këtë virus. Ndërkohë që politika ka shprehur mesazhe ngushëllimi.

Një gjykatë në Britaninë e Madhe ka shpallur të pafajshme shqiptaren Eltiona Skanën, 30-vjeçaren e cila disa muaj më parë vrau një vajzë vetëm 7-vjeçare. Gjatë seancave gjyqësore Skana u shpreh se vajza e vogël tentoi ta vriste e para ndaj edhe e kreu aktin e tmerrshëm.

Mot me alternime kthjellimesh dhe vranësira të herë pas hershme mbizotëron në vendin tonë gjatë gjithë ditës. 

Një efektiv policie i forcave të FNSH-së në Shkodër është ekzekutuar me armë zjarri mëngjesin e sotëm në aksin rrugor Lezhë-Milot, në zonën e Gajushit. Xhulio Prela, 26 vjeç, ka qenë duke lëvizur më makinë në momentin që është ekzekutuar me armë zjarri. Prela nuk njihej si problematik, ndërsa policia po heton në 3 pista. Në vendin e ngjarjes janë gjetur 3 gëzhoja, ndërsa janë shoqëruar 15 persona. Plumbi e ka prekur në pjesën e gjoksit, duke i marrë menjëherë jetën.

Kryeipeshkovi i Tiranës dhe Durrës, Imzot George Frendo i është rikthyer rrjedhës normale të jetës pas betejës me Covid-19.