Kronikë

Si pasojë e përmbytjes së rrugës, qarkullimi në aksin e vjetër Fier–Vlorë është ndërprerë përkohësisht dhe është devijuar në autostradë.

Pas përmbytjeve, Prokuroria e Durrësit ka nisur hetimet për 3 vepra: “Shpërdorimi i detyrës”, “Shkatërrimi i pronës me përmbytje” dhe “Shkatërrimi i pronës nga pakujdesia”. Në Durrës u shënua edhe viktima e parë nga moti i keq, ku një 54-vjeçar dyshohet se e mori rrjedha e kanalit dhe humbi jetën.

Një grabitje ka ndodhur në një market në zonën e Yzberishtit në kryeqytet. Një person i maskuar ka kërcënuar me thikë punonjësen e kasës dhe ka marrë një shumë parash, që mendohet të jetë 90 mijë lekë, shumë e cila pritet të verifikohet.

Eksperti i Bujqësisë, Ilir Pilku, ka përllogaritur se dëmi i shkaktuar nga përmbytjet e ditëve të fundit përllogaritet në mbi 150 milionë euro. Ai propozoi një ristrukturim të plotë të bujqësisë, ku të zhvillohet edhe strategjia e riskut klimaterik.

Eksperti Mjedisor, Mihallaq Qirko është shprehur se institucionet duhet t'i kushtojnë vëmendje të plotë ndryshimeve klimatike, në mënyrë që të minimizohen dëmet në raste përmbytjesh dhe katastrofash natyrore. Ndërkohë eksperti Ilir Pilku ka përllogaritur se dëmi nga përmbytjet e fundit shkon në 150 milionë euro. Ai ka kërkuar ristrukturimin e plotë të bujqësisë.

Romeo Nazarko theksoi se shkaqet janë punimet e bëra me shpejtësi për shkak të periudhës së fushatës, licencimi i inxhinierëve fiktivë dhe rrjedhimisht punimet e një cilësie të ulët.