Politikë

Ambasadori i Republikës Federale të Gjermanisë në Shqipëri, z. Peter Zingraf, e cilëson këtë ditë shumë të rëndësishme për Tiranën dhe rajonin. Në një intervistë për gazetarin e Report Tv Arbër Hitaj ai thotë se organizimi i një samiti të tillë në vendet e Ballkanit tregon rëndësinë dhe vëmendjen që ‘Unioni’ i jep vendeve të rajonit.

Të jashtëzakonshme e ka quajtur kryeministri Edi Rama mbajtjen e samitit BE-Ballkani Perëndimor në Tiranë, i cili po zhvillohet për herë të parë jashtë unionit. Në prononcimin e tij para mediave të huaja, Rama tha se mbajtja e këtij samiti në vendin tonë është një sinjal i qartë që Bashkimi Europian ka nevojë për Ballkanin Perëndimor, njëjtë sa ky i fundit për unionin.

Presidenti i Francës, Emmanuel Macron ka mbërritur në samitin e BE në Tiranë duke thënë se është i lumtur që ndodhet në Shqipëri. Para mediave u shpreh se do të kenë solidaritet për energjinë dhe do të punojnë për procesin e integrimit në BE.