Politikë

Kryetarja e bashkisë së Durrësit, Emirjana Sako e cila kërkon votën e durrsakëve për 14 majin nën siglën e Partisë Socialiste, inspektoi punimet për rindërtimin e shkollës së mesme “Naim Frashëri”

Shqipëria ka hapur dyert më qytetarët e 5 shteteve të tjera, duke i lejuar që të vijnë në vendin tonë pa viza.

Fajtor për debatin që është rindezur së fundmi se emri i kujt duhet të vendoset në fletën e votimit të 14 majit, për ish kreun e KQZ-së, Kristaq Kume është vetë legjislacioni ynë pasi nuk e ka të shkruar të qartë se si do të vijohet në situata të tilla.

Rithemelimi ka akuzuar 4 anëtarët e Komisionit të Ankimimeve dhe Sanksioneve si ‘mercenarë’ të Ramës pasi nuk pranuan të vendosnin emrin e Sali Berishës në fletën e votimit si drejtues i koalicionit të tij me Metën.

Raporti mes fuqisë politike dhe perceptimit publik për pasurinë që kanë krijuar, i përndjek çiftin e politikës Meta-Kryemadhi. Ata u futën në politikë mjaft të varfër, por deklaratat zyrtare zbulojnë një pasuri të konsiderueshme.

Ndonëse Partia Demokratike tashmë ka nxjerrë kandidatë për kryetarë bashkie për zgjedhjet vendore, deputeti demokrat Dash Sula vijon të thotë se ishte një gabim dhe se nuk duhej të kishin dalë e kandidatë.

KQZ i ka bërë kërkesë Kolegjit Zgjedhor që ankimet e partive t'i shqyrtojnë jo më vonë se 24 orë. Në letrën e dërguar nga kryekomisioneri Ilirjan Celibashi thuhet se qëllimi i shqyrtimit me shpejtësi është që të shmangen vonesat në procesin e prodhimit dhe shpërndarjes së fletëve të votimit për zgjedhjet e 14 majit.

Me biznesin e vogël në Zdrale zhvilloi takimet e radhës Bardh Spahia, kandidati për bashkinë Shkodër i koalicionit “Meta-Berisha”. Ai mori mbështetjen e tregtarëve për betejën e 14 Majit, të cilën e cilësoi të rëndësishme për fatin e bashkive në të gjithë Shqipërinë, duke thënë se fitorja do të nisë nga Shkodra.

Kandidati i Partisë Socialiste për bashkinë e Shkodrës Benet Beci në një postim në rrjetet sociale mëngjesin e sotëm teksa ka falënderuar të gjithë mbështetësit e tij, u ka bërë atyre një kërkesë. Ai thotw se do t’i përgjigjet kujtdo që pyet e ngre çështje që i vlejnë qytetit, por nuk do t’i lë askujt hapësirë për të hedhur baltë mbi askënd të përfshirë në këtë garë për qytetin.

Në  një takim të zhvilluar me banorë të Njësisë 7 në kryeqytet, kandidati i Partisë Socialiste për Tiranën, Erion Veliaj, u theksoi se investimet në zonë kanë bërë që vlera e pronës është rritur me të paktën dyfishin e saj, krahasuar me pak vite më parë.

Kryetari i komanduar i Partisë Demokratike, Enklejd Alibeaj ka zhvilluar një takim me strukturat drejtuese të PD-së në Kavajë. Në këtë takim, Alibeaj ka folur për Sali Berishën duke thënë se prej një viti e gjysmë ndodhen nën agresion prej tij. Alibeaj hedh akuza ndaj Berishës, se e gjithë kjo luftë brenda PD-së është bërë për hallin personal të Sali Berishës, që sipas tij nuk duhet ta kishte kaluar asnjëherë tek Partia Demokratike.

Pasi drejtoi për një periudhë 14 - mujore Forcën Tokësore, në detyrën e zëvendëskomandantit, gjeneral brigade Ferdinat Dimo është prezantuar sot në detyrën e re, atë të komandantit të Komandës Mbështetëse.

KQZ ka vendosur që të printohet e gjithë sasia e fletëve të votimit edhe për 3 bashkitë ku do të aplikohet votimi elektronik, në Bashkinë Elbasan, Vorë dhe Kamëz.

Këshilli i Ministrave ka miratuar në mbledhjen e ditës së sotme projektligjin për Arbitrazhin. Lajmin e dha në deklaratën për gazetarët ministri i Drejtësisë Ulsi Manja i cili tha se projektligji për Arbitrazhin vjen pas një pune disavjeçare të ekspertëve por dhe me mbështetjen e ekspertëve të huaj.

Nënkryetari i Partisë së Lirisë Endrit Braimllari është paraqitur pak ditë më parë në SPAK. Braimllari është pyetur në SPAK për çështjen e lobimit ne SHBA. Braimallari është pyetur ne cilësinë e ish Sekretarit të Përgjithshëm të Lëvizjes Socialiste për Integrim. Në SPAK janë thirrur edhe Luan Rama dhe Petrit Vasili.