Politikë

Nga Kongresi i partisë, Kryetari i PBDNJ Vangjel Dule ka akuzuar qeverinë se po varfëron gjithnjë e më shumë qytetarët.

Pjesëmarrja në protestën e dyshes Berisha-Meta ka qenë poshtë pritshmërive. Shifrat tregojnë se Sali Berisha dhe Ilir Meta nuk kanë mundur dot të mbledhin edhe aq sa kishte Berisha dhe Kryeministri më 7 korrik.

Protesta e thirrur nga Sali Berisha dhe Ilir Meta pasditen e sotme është katandisur me një pjesëmarrje të vogël. Pavarësisht thirrjeve prej disa ditësh, qytetarët kanë refuzuar të dalin në protestën e thirrur nga opozita.

Reagimi i parë nga socialistët për protestën e opozitës vjen nga kreu i grupit parlamentar i PS-së, Taulant Balla, që i cilëson Sali Berishën dhe Ilir Metën si “bedela të Rusisë”. Ai thotë se Moska i kishte urdhëruar që të mos dënonin agresionin rus në Ukrainë (siç edhe nuk ndodhi), dhe për këtë Balla thotë se Meta dhe Berisha iu bindën urdhrit të Vladimir Putin.

Mbështetësit e Sali Berishës dhe Ilir Metës kanë çarë rrethimin policor dhe kanë ndezur disa qirinj para Kryeministrisë, në vendin ku 11 vjet më parë u vranë 4 protestues që po protestonin kundër qeverisë së Berisha dhe Metës.

Në përfundim të protestës, gomonia që ishte një simbolikë e protestuesve, është larguar nga Bulevardi duke e tërhequr me biçikletë.