Politikë

Qeveria thotë se në muajin tetor, është konsumuar 5% më pak energji elektrike se në të njëjtën periudhë të një viti më parë. Por për opozitën, janë keq-menaxhuar prodhimet nga hidrocentralet që PD merr meritat për ndërtimin e tyre.

Kryeministri Edi Rama ka reaguar për protestën e pedagogëve duke theksuar edhe një herë se nuk do të ketë asnjë vetting ndaj tyre. Gjithashtu shtoi sërish se nuk do të ketë më rritje pagash për ta.

Ish kryeministri Berisha e ka marrë sërish në mbrojtje ish punonjësin e SHIK-ut, aktualisht kreu i Sindikatës së Pedagogëve, Aleksandër Kovaçin. Teksa e cilësoi si një person që ka më shumë mend se kryeministri, Berisha tha se ishte pikërisht kjo arsyeja se pse kreu i qeverisë e sulmon.

Kryeministri Rama e ka bërë edhe një herë të qartë që asnjë shans që kërkesat e disa pedagogëve për rritje rroge të merren seriozisht në këtë kohë lufte. Në një reagim pas deklaratës së kreut të Sindikatës së Pedagogëve se është krenar që ka qenë pjesë e SHIK, Rama tha se zullumi i ‘non gratave’ dhe rublave është futur në hapësirën universitare.

Në krye të protestave të pedagogëve të Fakultetit të Shkencave të Natyrës është Aleksandër Petre, ish Kandidat për deputet i partisë Lëvizja për Ndryshim që krijoi Jozefina Topalli. 

Fakti u pranua publikisht nga vetë Kovaçi në një intervistë të dhënë sot kur tha se ka qenë një punë e shkëlqyer, ajo që ai ka bërë në departamentin më të rëndësishëm të SHIK-ut, pikërisht gjatë viteve kur SHIK ishte një instrument i torturës, dhunës së përgjakshme në duart e Sali Berishës.

Pavarësisht rritjes së çmimeve, drutë e zjarrit do të tregtohen me çmimin e paraluftës. Duke marrë shkasë nga rritja e çmimeve që kanë pësuar drutë e zjarrit, kryeministri Edi Rama ka bërë me dije se do të ndalojnë rritjen e çmimit me VKM.

Erla Mëhilli, ish zëdhënësja dhe një prej personave më të besuar të Sali Berishës, gjatë gjithë viteve që ai drejtuar PD dhe Qeverinë, thotë se përpjekjet që po bëhen për bashkim të PD nuk janë të sinqerta nga palët dhe se bashkimi duket shumë i vështirë. Mëhilli nuk la pa përmendur edhe sulmin më 8 janar në PD, që sipas saj është një ngjarje që nuk mund të harrohet dhe kapërcehet nga shumë demokratë. 

Kryeministri Edi Rama duket se ka konfirmuar kryebashkiakun e Gjirokastër Flamur Golemi për një mandat të dytë. Nga takimi që po zhvillon në Gjirokastër, Rama nuk kurseu lëvdatat për Golemin, teksa tha ai ja ka dalë që të përfitojë fonde dhe nga donatorët duke mos pritur vetëm nga qeveria.

Spiro Ksera, ish ministri i Punës dhe Çështjeve Sociale në qeverinë "Berisha" në vitet 2009-2013, ka humbur betejën e fundit ligjore në sistemin e drejtësisë në vend, atë në Gjykatën e Lartë ku kishte kërkuar pafajsi.