Politikë

Ambasada Amerika do të ketë përfaqësues për të vëzhguar zgjedhjet e pjesshme vendore të 6 marsit, që do të zhvillohen në 6 bashki në vend. Kjo kërkesë e Ambasadës Amerikane u pranua sot nga KQ, pas një mbledhje në orën 13:00.

Ervin Salianji shprehet se kryeministri Edi Rama e bëri Shqipërinë vendin më të korruptuar në Europë ndërsa thekson se Partia Demokratike është e vetmja forcë që mund të luftojë për të mirën e shqiptarëve.

Rusia është raportuar në Gjykatën Penale Ndërkombëtare në Hagë në referimin më të madh të ndodhur ndonjëherë për ndonjë shtet. 38 vende ku përfshihet edhe Shqipëria, kanë referuar në Gjykatën Penale Ndërkombëtare të Hagës, Rusinë, që të hetohet për krime lufte, krime kundër njerëzimit dhe gjenocid në Ukrainë. Ministrja e Mbrojtjes Olta Xhaçka në një reagim në Twitter thotë se bota nuk do ta pranojë kurrë agresionin e paligjshëm

Kryeministri Edi Rama shprehet se skenari i fillimit të një lufte në Shqipëri, si shkak i konfliktit në Ukrainë, është i largët. Kjo pasi sipas kreut të qeverisë, ne jemi pjesë e NATO-s, dhe nëse dikush i hapë luftë Shqipërisë, i hap luftë të gjithë aleancës. Në përgjigje të kritikave për Ballkanin e Hapur, kryeministri Edi Rama tha se ky bashkëpunim nuk është politik, por vetëm tregtar, dhe nuk duhet lidhur me marrëdhëniet Serbi-Rusi.

Kryetarja e Komisionit të Jashtëm, Mimi Kodheli thotë se Shqipëria është e sigurt nëse do të ketë një agravim të luftës. Në një intervistë për Report Tv, Kodheli thotë se vendi ynë është pjesë e NATO-s dhe duke iu referuar nenit 5 të traktatit të kësaj aleanca, ajo thekson se nëse preket territori i Shqipërisë do vinte reagimi i menjëhershëm nga aleanca.

Sekretari i Përgjithshëm, Gazmend Bardhi shkruan se Rama nuk kërkoi ndjesë për shndërrimin e Bashkisë së Lushnjës që sipas tij e ka kthyer në skenë krimi, teksa i referohet arrestimit të Fatos Tushes dhe zyrtarëve të tjerë.

Kryeministri Edi Rama gjatë një takim me të rinjtë në Lushnjë ka kërkuar mbështetjen për kandidaten e PS në Lushnjë Eriselda Sefa, ndërsa ka ironizuar kandidatët e PD dhe të "Shtëpisë së Lirisë" se njëri është i bravës dhe tjetri i bishtit të varesë. Rama tha se Basha e Berisha janë gati të shkatërrojnë gjithçka për interesat e tyre personale.

Kryetari i Partisë Demokratike, Lulzim Basha, bashkë me kandidatin për kryebashkiak të PD-së në Lushnje, Indrit Sefa, zhvilluan një takim e me fermerët dhe drejtuesit e shoqatave të fermerëve të Lushnjes.

Kryeministri Edi Rama thotë se disa analistë dhe politikanë po mbrojnë Ukrainën për të sulmuar qeverinë, pasi sipas tyre nuk ka dhënë asnjë ndihmë konkrete. Rama në një postim në Twitter, shkruan se ato janë të parët që kanë dhënë ndihmë për Ukrainën.

Nga Lezha, në ditën e 578-vjetorit të Besëlidhjes së Lezhës, ku u mblodh Unioni i Bashkive shqiptare të Rajonit, kreu i Bashkisë së Tiranës, Erion Veliaj, bëri thirrje për një Besëlidhje të re dhe moderne, atë për integrimin e të gjithë shqiptarëve drejt Bashkimit Europian.

Grupi i Rithemelimit i Berishës propozon rezolutë për agresionin rus në Ukrainë. Përmes një kërkese për mocion me debat, e firmosur nga disa deputetë dhe jo nga ish-Kryeministri Sali Berishës, grupi kërkon që rezoluta të dënojë sulmin e Krimesë dhe qendrimin e Serbisë ndaj Rusisë.

Partia Demokratike ka kallëzuar sot në SPAK deputetin e PS-së, Alqi Bllakon, si të përfshirë në atë që e konsiderojnë si 'vjedhja e 430 mln eurove në aferën e inceneratorëve'.

Për Ish-drejtuesin e SHISH, Fatos Klosi bisedimet mes delegacionit ukrainas dhe rus duhet të ishin bërë përpara se te fillonte lufta, ndërsa shtoi se ky konflikt nuk po sjell asnjë të mirë për të dyja palët.

Në Bashkinë e Vorës edhe votimi do të jetë elektronik, teksa kreu i KQZ-së, Ilirjan Celibashi theksoi me bindje se ky sistem është 100% i sigurt. Ai theksoi se për Bashkinë  e Vorës rezultati, të paktën ai paraprak, do të bëhet me dije menjëherë pas zgjedhjeve. Për pesë bashkitë e tjera, Celibashi u shpreh se rezultati do të dalë brenda 48 orëve.

Partia Demokratike thotë se tenderi abuziv 500 milionë lekë nga Fondi Shqiptar i Zhvillimit për dizejnimin e menusë së 100 fshatrave, u anulua vetëm pas presionit publik. Në një deklaratë për mediat, deputeti Arbi Agalliu thotë se SPAK ka prova për të vënë para drejtësisë kreun e Fondit, Dritan Agollin, në kushtet kur ka dyshime se fituesi I tenderit ishte paracaktuar dhe është shkelur ligji për prokurimin publik për kriteret e vlerësimit.

Presidenti Ilir Meta i ka ftuar të gjithë t’i bashkohen thirrjes së Papa Fraçeskur për t’u lutur për paqen dhe popullin heroik të Ukrainës.

Në një kohë kur Rusia po pushton çdo ditë e më shumë territore ukrainase dhe njerëz humbin jetën në përpjekje për të jetuar të lirë, kryeministri Edi Rama ka shpërndarë historinë e Polinës, vajzës 3-vjeçare që është bllokuar në Kharkiv.

Kryetari i Grupit Parlamentar të Partisë Socialiste Taulant Balla u ka dorëzuar sot pasdite kryetarëve të grupeve parlamentare të Partisë Demokratike, të “Aleancës për Ndryshim” dhe të “Demokraci dhe Integrim” një projekt-Rezolutë të Kuvendit të Shqipërisë “Për mbështetjen e sovranitetit dhe tërësisë territoriale të Ukrainës dhe mbrojtjen e parimeve të së drejtës ndërkombëtare dhe të sigurisë Evropiane”