Politikë

Seanca e sotme plenare nisi me debate, kjo për shkak të reagimeve të deputetëve të opozitës pasi Kuvendi nuk i regjistroi kërkesat për interpelancë dhe mocion me debat me kryeministrin Edi Rama. Në rend të ditës parashikohet edhe interpelancë me ministren  e Bujqësisë Frida Krifca e thirrur nga deputeti Erion Braçe.

Pas luftës në Ukrainë, asgjë nuk do të jetë njësoj dhe ky është emëruesi i përbashkët i të gjithë analistëve të ftuar në emisionin 'Repolitix' në Report Tv. Analisti Ben Andoni, thotë se është momenti që Shqipëria dhe Kosova të bashkohen, pasi sipas tij Prishtina zyrtare mund të jetë pjesë shkëmbimi interesash në tentativat për një zgjidhje me Serbinë.

Ish zv.kryeministri Erion Braçe, në një intervistë në Report Tv, është shprehur se tregu i plehrave kimike është shndërruar në një kartel kriminal, që po ndikon negativisht te bujqit, e për këtë tha se e ka zgjidhjen.

Nga studio e Report Tv, socialisti Erion Braçe tha se protestat kundër rritjes së çmimeve organizohen nga Berisha e Meta, ndërsa vlerësoi paketën e rezistencës sociale të propozuar nga qeveria, por kërkoi të luftohen abuzimi me çmimet. Ai  cilësoi të vonuar Bordin për caktimin e çmimit të naftës dhe tha se është kundër uljes së taksave e tatimeve. Ndërkohë, për mandatin e 6-të të Armand Dukës në krye të FSHF-së, tha se është paligjshmëri e qartë.

Në selinë e NATO-s Bruksel, Belgjikë, sot u zhvillua takimi i jashtëzakonshëm i ministrave të Mbrojtjes së NATO-s, ku fokusi kryesor ishte situata në Ukrainë pas pushtimit nga Rusia

Kreshnik Spahiu i ka dalë në mbrojtje këngëtares shqiptare Elsa Lila, e cila u arrestua ditën e sotme në Itali, e akuzuar si financiere e një bande droge. Ai thotë se këngëtarja, po sulmohet nga disa qytetarëm por edhe mediat opozitare për bindjet e saj politike, pasi ka mbështetur Partinë Socialiste dhe kryeministrin Edi Rama.

Nga

Danjela Maloku

Për deputetin e Rithemelimit, Belind Këlliçi bashkimi i së djathtës nuk mund të vijë përmes kushteve, por përmes një procesi që në thelb ka votën e demokratëve. Sipas tij kushti për largimin e Berishës është absurd, ndërsa Bashës i sugjeron të qëndrojë si fraksion në PD.

Deputeti demokrat, Ferdinand Xhaferraj bëri të qartë se si Basha dhe Berisha janë problemi i PD-së dhe se asnjëri nuk mund të jetë zgjidhja. Pas humbjes së thellë të PD më 6 mars, Xhaferraj tha se Basha nuk mund të jetë dot kurrë një fitues dhe se qëndrimi i tij në krye të PD i shërben vetëm Ramës.

I Dërguari i Posaçëm i sapoemëruar i qeverisë gjermane për shtetet e Ballkanit Perëndimor, Manuel Sarrazin do të zhvillojë të enjten (17 mars) bisedime me Kryeministrin Edi Rama, Ministren e Jashtme Olta Xhaçka, si dhe deputetë, përfaqësues të opozitës dhe shoqërisë civile, si pjesë e vizitës së tij të parë zyrtare në Tiranë

Deputetja demokrate Grida Duma tha se Lulzim Basha ka kohë deri nesër që të tërhiqet. Ajo shtoi se persona që i bëjnë dëm partisë duhet të tërhiqen dhe se duhet të ngrihet një komision PD-Foltore, që të çojë partinë në zgjedhje të brendshme.