Politikë

“Bindja Demokratike” do të dalë e vetme në zgjedhjet vendore të 14 majit, mirëpo synimi nuk është marrja e drejtimit të një kryetari Bashkie, por do të “luftojë” për Këshillat Bashkiak.

Nga Korça, kryeministri Edi Rama nuk ka hezituar  të përmendë financimet ruse në PD dhe lidhjet me Sali Berishën. Ndonëse ky i fundit është përpjekur që të thojë se nuk ka gisht dhe pretendon se i përfshirë është vetëm Lulzim Basha, Rama thotë se ish kryeministri i shpallur ‘non grata’ nuk ka si të mos ketë lidhje.

Nga

Ermal Qori

Këtë të mërkurë, kryeministri Edi Rama niset drejt Gjermanisë, pasi ditën e enjte, më datë 3 Nëntor 2022, me ftesë të Kancelarit Gjerman Olaf Shcolz, do të mbahet në Kancelarinë Federale një takim në kuadër të procesit të Berlinit, për Ballkanin Perëndimor.

Ministrja për Evropën dhe Punët e Jashtme, Olta Xhaçka, ka zhvilluar një vizitë zyrtare në Ankara me ftesë të homologut të saj, Ministrit të Punëve të Jashtme të Turqisë, Mevlut Çavusoglu.

Sali Berisha kërcënon grupin e Enkelejd Alibeajt, që ka deklaruar se do të dalin më vete në zgjedhje.

“Në janar synojmë të propozojmë statusin e Parkut Kombëtar për Vjosën.” Kështu bëri me dije ministrja e Mjedisit dhe Turizmit, Mirela Kumbaro në një intervistë për Report Tv. Teksa fliste për sezonin turistik, Kumbaro tha se turizmi i kaloi pritshmëritë ndërsa kërkesa e të huajve për të vizituar Shqipërinë mbetet e lartë. 

Pas largimit të papritur nga Top Channel, gazetari i mirënjohur Sokol Balla  rikthehet në ekran, këtë herë në Report TV, në kanalin informativ më të suksesshëm sot në Shqipëri që sapo ka hapur selinë e re me studio të mëdha dhe moderne, hapësira inovative për stafin.

Në takim me të rinjtë e Korçës që janë të vetëpunësuar në tregun online, kreu i qeverisë Edi Rama është shprehur se ndodh shpesh herë që të mos deklarohen shumat e fituara për shkak të frikës nga Drejtoria e Tatimeve. Për këtë arsye, kryeministri u shpreh se qeveria po punon për përpilimin e një projektligji që do të rregullonte pjesën legjislative për ata të cilët i quajti “nomadë digjitalë”.

Në një takim me të rinjtë në Korçë, një vajzë, Vojsava, që është e vetëpunësuar në tregun online si ‘content creator’ ka kujtuar deklaratën e vitit të kaluar duke thënë se u bënë meme për shifrat që fitojnë, por kishte diçka që nuk i pëlqente. Para Ramës u shpreh se kanë harruar të kujtojnë se bëjnë vetëm 2 orë gjumë për të fituar të ardhurat dhe u shpreh se jo të gjithë marrin deri në 4 mijë euro në muaj.

Rithemelimi ka reaguar për Reformën Territoriale që u diskutua dje në Kuvend duke thënë se PD është e vetëdijshme se PS do të rrëzonte propozimin e tyre. Në një deklaratë, Sekretari për Pushtetin Vendor, Ylli Asllani u shpreh se PS pati qëndrim denigrues ndaj përpjekjeve të PD për përmirësimin e hartës territoriale.

Negociatat për bashkim brenda Partisë Demokratike kanë dështuar. Demokratët do të dalin të përçarë në zgjedhjet vendore të 2023. Pas 20 ditëve tentativa për bashkim, palët kanë dalë me akuza në drejtim të njëri-tjetrin. 

Ministrja e Arsimit Evis Kushi ka prezantuar në Komisionin për Edukimin projektbuxhetin e vitit 2023. Ministrja Kushi u shpreh se në buxhetin e vitit të ardhshëm është parashikuar që të jepen libra falas një përdorimshe nga klasa 1 deri në klasën e 3

Gjykata e Posaçme e Apelit ka shpallur ditën e sotme deputetin demokrat Ervin Salianji të pafajshëm në ‘betejën’ përballë aktivistes amerikano-shqiptare Evi Kokalari. Apeli rrëzoi sot vendimin e Gjykatës së Shkallës së parë që e kishte dënuar Salianjin për fyerje, duke e rrëzuar këtë akuzë dhe shpallur atë të pafajshëm. Salianji ishte dënuar me 50 mijë lekë.

Ashtu siç ishte paralajmëruar më parë, do të ketë 'ndëshkim' për të gjithë fermerët që lenë tokën djerrë. Nga një takim me fermerët në Dvoran të Korçës, kryeministri Edi Rama tha se ata që do ta lënë tokën djerrë do të kenë super taksim, çka do të thotë do t’iu vendoset një taksë shumë  e lartë nëse nuk e punojnë tokën vetë, ose t’a japin me qira. Rama tha se kjo nismë synon që të shfrytëzohet çdo centimetër tokë që lihet e papunuar.