Politikë

Në Shkodër, Dibër, Lushnjë, Rrogozhinë, Durrës dhe Vorë ka përfunduar procesi i votimit, ku në total pjesëmarrja ka qenë 30.33%. Qytetarët e Dibrës kanë qenë më të interesuar për të votuar, ku pjesëmarrja është më e lartë, 43.35 % dhe Durrësi me pjesëmarrjen më të ulët 26.27 %. 

Kryebashkiaku i Tiranës, Erion Veliaj u takua me balerinin e njohur shqiptar, Ilir Shaqiri, fitues edhe i Big Brother VIP Albania, të cilin e ftoi të vinte më shpesh në Tiranë, sidomos tani që është shpallur Kryeqyteti Europian i Rinisë.

Hekuran Xhani, kandidat i Sali Berishës për Rrogozhinës, i cili në gjendje të dehur ofendonte Berishën dhe liderë të tjerë politikë, ka folur sërish për videon

Nënkryetarja e Partisë Demokratike, Jorida Tabaku, nga Vora foli në lidhje me ngërçin e krijuar në qendrat e votimit me komisionerët e ndryshuar të Partisë Demokratike. Ajo i bëri thirrje PS-së dhe LSI-së që të respektojnë vendimin e KAS. Sipas Tabakut, me një vendim të paprecedentë tre anëtarë të PS-së bashkuan votat me anëtarët e LSI-së dhe kanë refuzuar të zbatojnë të zbatojnë vendimin e KAS

Partia Demokratike ka bërë një tjetër denoncim për zgjedhjet në Vorë. Sipas PD ka raste të votimit familjar, teksa ka publikuar edhe foto e denoncimit të një rasti në qendrën e votimit në fshatin Kuç.

Shtetet e Bashkuara të Amerikës dhe Bashkimi Evropian po vëzhgojnë zgjedhjet në 6 bashkitë e vendit ku po votohet sot.  Ambasada e SHBA ka vëzhgues në të gjashta bashkitë, ndërkohë që edhe vetë Yuri Kim ka dalë në terren.

Në njësinë administrative Pult dhe Shosh në Shkodër procesi i votimit nuk ka nisur ende, për shkak se komisionerët janë bllokuar prej dëborës. Në një lidhje telefonike për Report Tv, Komisioneri i njësisë administrative të Pultit, Dake Çezma tha se ata ishin të bllokuar në dëborë prej 3 orësh.

Sot mbahen zgjedhjet e pjesshme vendore në 6 bashki. Kryeministri Edi Rama ka ftuar qytetarët që të ushtrojnë të drejtën themelorë demokratike për të zgjedhur. Kreu i qeverisë duke ju referuar edhe situatës në Ukrainë, i fton qytetarë që në të votojnë edhe në respekt të atyre që në lindje të Europës, po masakrohen për të mos e humbur atë të drejtë bashkë me demokracinë, ju uroj një të dielë të qetë.

Qytetarët në Shkodër, Durrës, Dibër, Lushnjë, Rrogozhinë dhe Vorë kanë votuar sot për të zgjedhur kryetarët e rinj të bashkive, ku në disa zona u hasën vështirësi për shkak të dëborës.  Pjesëmarrja ishte shumë e ulët,  ku 30.33% e votuesve kanë ushtrua të drejtën e votës.