Politikë

Lufta brenda kampit opozitar sa vjen dhe po bëhet më e fortë me sulme të forta duke treguar se bashkëpunimi i tyre parazgjedhor nuk ka qenë i sinqertë. Radha e akuzave të forta ishte e Monika Kryemadhit që vuri në shenjestër Gazment Bardhin dhe Lulzim Bashën, sa i përket vrasjes së Pjerin Xhuvanit në Elbasan pak ditë para zgjedhjeve të 25 prillit.

Shtetet e Bashkuara të Amerikës i kanë kërkuar Lulzim Bashës përjashtimin e Sali Berishës nga Partia Demokratike dhe i gjendur i përballë kësaj kërkese të panegociueshme nga amerikanët, kryedemokrati nuk kishte një zgjidhje tjetër përveçse të merrte atë vendim. 

Kur kanë mbetur më pak se 1 muaj nga Kuvendi Kombëtar i 11 dhjetorit, Oerd Bylykbashi është pozicionuar hapur krah Sali Berishës dhe shprehet i bindur se në 11 dhjetor do të vijë shkarkimi i Lulzim Bashës. 

Berisha nuk sheh si pengesë për të ardhmen e Partisë Demokratike faktin që është shpallur “non grata” nga Shtetet e Bashkuara, pasi këmbëngul se është një vendim i pabazuar në fakte dhe prova. Berisha mohon që lëvizja e ndërmarrë prej tij, për të eleminuar Bashën, të jetë një hakmarrje personale ndaj kryetarit demokrat për largimin nga grupi parlamentar, si pasojë e vendimit të Departamentit amerikan të Shtetit.

Erion Braçe ka reaguar pasi Kuvendi hodhi poshtë propozimet e tij për ndryshimet për paketën fiskale.

Nga

Adriatik Doci

Report Tv siguron ekskluzivisht deklaratën e fundit të pasurisë së familjes Berisha: Argita dhe Jamarbri erdhën nga Kosova në 2006 me 39 mijë USD gjendje në banka, ndërsa sot vetëm Argita ka rreth 1 milion USD në llogaritë bankare. Jamarbri përveç 35-50 % të 19 kullave në Tirane, ka edhe 50 % të një pasurie të paluajtshme me vlerë rreth 900 mijë euro 

Ish-kryeministri Berisha ka lavdëruar këtë mbrëmje Fatos Nanon. Ai theksoi se Nano njihet për meritat që reformoi Partinë Socialiste dhe vendosi institucionin e votës, ndërsa akuzoi Ramën se i ka shkatërruar këto reforma. Ish-kryeministri edhe njëherë i ka bërë thirrje kryesisë së PD të japin dorëheqjen. Berisha deklaroi se anëtarët e Kryesisë së PD, 60% e tyre të emëruar nga Lulzim Basha, nuk përfaqësojnë demokratët, pasi nuk janë të votuar. Sakaq, ai deklaroi se me Edi Ramën votë të lirë nuk ka, ndaj të përgatitemi për stinën e protestave të mëdha.

Konflikti në të cilin gjendet Partia Demokratike pas përplasjes Basha-Berisha po prodhon incidente edhe në degët e saj. Komandimi i Agron Kapllanajt në krye të degës së Fierit, u pa nga kreu i dorëhequr Luan Baci si hakmarrje e Bashës se iu bashkua foltores së Berishës, ndaj ka refuzuar edhe dorëzimin e çelësave.

Pas dy tre ditësh do të fillojë shpërndarja e apartamenteve të rindërtuara në Thumanë. Kështu ka bërë me dije kryeministri Edi Rama gjatë vizitës në Thumanë ku theksoi se synohet që për Krishtlindje do të shpërndahen edhe banesat individuale.

Rreth 15 ditë para 11 dhjetorit, datë kur Sali Berisha ka thirrur Kuvendin Kombëtar, një përfaqësi e degës 6 në Tiranë ka zbardhur listën e emrave që kanë firmosur formularin që ndodhen në kasafortën e Edi Palokës.

Mes marrëveshjeve që pritet të firmosen janë ajo për heqjen e lejeqëndrimit të përkohshëm për qytetarët e të dy vendeve, njohja e sigurimeve shoqërore dhe për lehtësira të ndërsjella në procedurat doganore të hyrje/daljes së mallrave.