Politikë

Një ditë para Kongresit të Partisë Socialiste, që zhvillohet nesër në Pallatin e Kongreseve, Kryeministri Edi Rama ka mbledhur sot në Vila 30 kabinetin qeveritar. 

Rama shkruan në Facebook se Sheshi i Ri i Flamurit do t'i shtojë Vlorës një tjetër pjesë të bukur të mozaikut të Rilindjes së saj Urbane që do të nxjerrë në pah edhe objektet e historisë në atë shesh. Akuzave të 'Foltores' se në Shesh do të ndërtohet terminal autobusësh, Rama i përgjigjet duke thënë se një gjë e tillë nuk do të ndodhë.

Ndonëse Lulzim Basha është larguar nga drejtimi i Partisë Demokratike, Presidentit Ilir Meta nuk i del inati me ish-kreun e opozitës.  Në një intervistë të dhënë sot në televizionin e familjes Berisha, Meta ka sulmuar Bashën duke e akuzuar se e ka tradhtuar opozitarizmin. Meta ka thënë se opozita ka qenë e kapur dhe e shitur.

Eksperti i ekonomisë, Fatos Çoçoli tha në 'Repolitix' se legalizimi i kanabisit për qëllime mjekësore do të kishte përfitime në ekonomi, megjithatë pranoi se sfida është e madhe. Sipas tij, mund të keqpërdoret liria që jepet dhe mund të ketë abuzime, teksa theksoi se duhet bërë me transparencë maksimale dhe me kontroll të ashpër shtetit.

Kryeministri Rama ka deklaruar se ndryshimi mes periudhës kur qeveriste Sali Berisha dhe kohëve që jetojmë është edhe fakti se drejtësia ka marrë sot si të akuzuar apo edhe të dënuar ish-ministra të tij. Rama tha se koha kur prokurorja e përgjithshme merrej peng nuk ekziston më por jemi në një moment shumë më të mirë shtetformimi.

Situata e krijuar në Partinë Demokratike, e cila nuk është qetësuar edhe pas dorëheqjes së Lulzim Bashës por edhe përplasjes së Berishës me Shtetet e Bashkuara të Amerikës ishte tema e diskutimet në “Sot Live në Shqipëri” në Report TV, ku të ftuar ishin deputeti demokrat, mbështetës i Sali Berishës, Tritan Shehu, si dhe gazetari Plator Nesturi.

Deputeti i PD Lulzim Basha vijon takimet në terren me demokratët e vendit.

Nga

Danjela Maloku

Kuvendi i 30 prillit do të përcaktojë nëse Partia Demokratike do të ketë kryetar apo një organ kolegjial si drejtues. Deputeti Belind Këlliçi thotë se ka një ftesë për të gjithë deputetët e grupit parlamentar që t’i bashkohen, ndërsa krizën në PD tashmë e sheh si një moment të tejkaluar.

Deputeti i PD Saimir Korreshi tha në Report Tv me batuta se Partia Demokratike nuk do të “divorcohet” përfundimisht dhe kjo për hatër “të kalamajve”. Ai sqaroi se PD nuk mund të fitojë nëse nuk ngjit dy copëzat e saj, duke nënkuptuar “Rithemelimin” dhe pjesën tjetër të demokratëve.

Partia Socialiste nuk ka zhvilluar asnjë negociatë me grupet parlamentare sa i përket çështjes së zgjedhjes së presidentit të ri. Kështu ka pohuar Sekretari i Përgjithshëm i PS-së, Damian Gjiknuri  në një intervistë për Report TV.

Kryeministri ka komentuar edhe voton pro të Serbisë, duke e konsideruar një lajm të mirë për rajonin faktin që vendi u rreshtua sërish me Perëndimin.  

Ministria e Punëve të Jashtme, Olta Xhaçka ka publikuar disa fotografi nga takimi 2-ditor i ministrerialit të vendeve të NATO-s, duke thënë se në qendër të diskutimeve ishte mënyra sesi aleatët mund të ndihmojnë Ukrainën.

Deputeti socialist Erion Braçe i ka bërë thirrje blegtorëve dhe bujqve të vendit të flasim për të gjitha sfidat me të cilat po përballen, hapur, ditën e Kongresit të Partisë Socialiste, ku siç është thënë do të ketë hapësirë për bashkëbisedim me qytetarët.

Në Departamentin e Shtetit në SHBA janë të tronditur për 'sulmet ndaj ambasadores Yuri Kim nga ana e Sali Berishës dhe deputetëve që e mbështesin atë. Zëvendës ndihmës sekretar amerikan i shtetit, njëherazi i dërguari special në DASH për Ballkanin Perëndimor, Gabriel Escobar, ka reaguar ashpër, teksa shprehet se Kim është përfaqësuese personale e Presidentit Biden.