Politikë

Kontratat koncesionave për inceneratorët nuk do të anulohen, deri sa gjykata të japë një vendim përfundimtar për zyrtarë e ish-zyrtarë që janë arrestuar dhe po përballen me akuzat. Kjo ka qenë deklarata e kryeministrit Edi Rama, i cili sqaroi se kjo nuk do të ndodhë sepse do të ishte një shkelje e ligjit.

Kryeministri Edi Rama tha se është kundër zgjedhjes së presidenti nga populli në një republike parlamentare si e jona. Rama tha se nëse kjo kërkohet atëherë nuk mund të behet përmes një këshilli kombëtar pasi nuk është vendimmarrje e qeverisë, por kërkon ndryshime kushtetuese.

Shqipëria do të legalizojë kanabisin për qëllime mjekësore! Kjo tashmë është fakt, ka thënë kryeministri Edi Rama, pasi në Formularin e Këshillimit Kombëtar, 61% e qytetarëve kanë votuar "pro". Në prezantimin e përgjigjeve të këtij formulari, Rama tha se kjo do të ndikojë në rritjen ekonomike të vendit dhe hapjen e vendeve të reja të punës.

Mbi gjysmë milioni qytetarë janë bërë pjesë e Këshillimit Kombëtar, ku shumica  e tyre ka qenë pro legalizimit të kultivimit të kanabisit mjekësor, Ballkanit të Hapur dhe ndarjes së Shqipërisë nga Maqedonia e Veriut për integrimin në BE. Nga 12 pyetjet e Këshillimit, shqiptarët kanë votuar kundër vetëm ndaj detyrimit të pasaportës së vaksinimit në hapësirat e mbyllura.