Politikë

Kryeministri Edi Rama tha se studentët e pavaksinuar nuk duhet të futen në mësim, por theksoi se kjo çështje i përket Universiteteve, pasi qeveria nuk mund të dërgojë forca për t'i nxjerrë studentët jashtë.

Protesta e tretë kundër rritjes së çmimeve u “zbeh” dhe sot u vu re një numër më i ulët i pjesmarrësve. Ky fakt është pranuar nga vetë aktivisti, një prej personave kryesor të kësaj proteste, Adriatik Lapaj, në studion e Report Tv. Përballë gazetarit, Ilir Babaramo, Lapaj ka listuar një sërë arsyesh që sipas tij ndikojnë që në protesta të tilla qytetare të ketë një numër të vogël pjesëmarrësish, në ndryshim nga protestat e thirrura nga partitë.

Mijëra banorë të kampit Ashraf 3, shtëpi e anëtarëve të Organizatës Popullore Moxhahedin të Iranit në Tiranë ka zhvilluar një ceremoni përkujtimore për David Amess, deputet i partisë konservatore, i cili u godit për vdekje me thikë gjatë një takimi elektoral. Maryam Raxhavi, Presidentja e zgjedhur e Këshillit Kombëtar të Rezistencës së Iranit, tha se kjo ceremoni nuk është për të mbajtur zi, por për të festuar “jetën dhe arritjet e tij”, teksa e ka cilësuar Amess si një mik i madh dhe i dashur i Rezistenca Iraniane.

Debati mes Lulzim Bashës dhe Sali Berishës, kreu i LZHK-së, Dashamir Shehi tha se po bëhet për interesa se kush do të kontrollojë partinë, e ndërsa tha se kjo luftë me akuza personale po e dëmton PD-në. Këto deklarata Shehi, i bëri në emisionin ‘5 pyetje nga Babaramo” në Report Tv.

Brenda javës Partia Demokratike do të propozojë në Kuvend vettingun e politikanëve. PD do të propozojë që një deputet që nuk justifikon pasurinë dhe ka lidhje me krimin t'i hiqet mandati i deputetit dhe e drejta për të rikandiduar. Kjo deklaratë u dha nga deputetja e kësaj force, Ina Zhupa në një intervistë.

Ina Zhupa në një intervistë për Report Tv parashtroi disa pika që PD do bënte pjesë të programit të saj nëse do ishte në pushtet për vaksinimin e studentëve, ku ndër to pikas tamponi falas deri në një moment të dytë sa studentët të bindeshin se vaksinimi nuk është një detyrim por një e mirë për komunitetin.

Izolimi nga SHBA do të sillte 'vdekjen' e Partisë Demokratike dhe këtë e ka pasur mjaft të qartë Lulzim Basha, në vendimin e tij kur sakrifikoi Sali Berishën e shpallur ‘Non Grata’. Është pikërisht ky argument që Basha ua ka risjellë edhe një herë në vëmendje deputetëve që sërish mbledhjen e grupit të PD-së e shfrytëzuan për t’i kërkuar llogari për përjashtimin e Sali Berishës. "Berisha po kërkon te lidhë vendimin ‘Non Grata’ me fatin e PD", ka thënë Basha, duke theksuar se nuk do të lejojë që ish-kryeministri ta përdorë partinë për interesat e tij. 

Nga

Eliza Gjediku

Ministrja e Financave dhe Ekonomisë, Delina Ibrahimaj, mori pjesë në Takimin e Nisjes së Publikimit të "Konkurrueshmëria në Evropën Juglindore 2021: Një vështrim politik", organizuar nga OECD, me pjesëmarrjen e gjashtë vendeve të Ballkanit Perëndimor (BB6): Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia. Ministrja Ibrahimaj ka thënë gjatë fjalës së saj se duhet punuar më shumë për të rritur konkurrencën rajonale.

Nga

Adriatik Doci

Shqipëria pritet të miratojë për herë të parë një ligj për paditë kolektive ndaj ndërmarrjeve që shkelin të drejtat ekonomike dhe civile të qytetarëve. Në fokus kompanitë që kanë monopolizuar shërbime të caktuara dhe abuzojnë me çmimet dhe tarifat