Politikë

Në një intervistë për Report Tv, aktivistja Brizida Gjikondi tha se PS do të futet në histori pasi Rama kërkon të lërë gjurmë me ambiciet e tij, ndërsa PD do të rrijë në të shkruarën nëse Basha nuk ndahet nga Berisha. Ajo foli edh për strehimin e afganëve duke thënë se Shqipëria i dha mësime të mëdha botës duke hapur dyert e saj për strehimin e tyre.

Anëtari i kryesisë së PD, Fatbardh Kadilli tha në një intervistë për Report Tv se reflektimet që bëri Mark Marku për të lënë mandatin e deputetit, duhet që t'i kishte bërë Lulzim Basha dhe se ai duhej të dorëhiqej

E menjëhershme ka qenë përgjigjia e kreut të PD Lulzim Basha pasi kryeministri Edi Rama e ka përmendur gjatë takimit me deputetët e rinj dhe të vjetër, ku tha se dora për PD është e shtrirë.

Gjatë takimit me deputetët e rinj dhe të vjetër kryeministri Edi Rama tha se PD do të hyjë në parlament me një dhëmballë të prishur, referuar këtu ish-kryeministrit Sali Berisha i cili është shpallur “Non Grata” nga SHBA. Kjo dhëmballë tha Rama, i ka infektuar të gjithë fytyrën PD dhe për sa kohë Berisha do të jetë në parti do ta bëjë atë të pavotueshme.

Nga

Adriatik Doci

Familja Berisha sulmon menjëherë 121 afganëve të parë që mbërritën në Shqipëri, i konsideron punonjës të Soros që nuk duhet të strehohen për të shpëtuar nga dhuna që ka shpërthyer në Afganistan

Me dhurata në duar, kryeministri Edi Rama ka vizituar 121 fëmijë, gra e burra nga Afganistani, të strehuar në hotelet në Durrës, pasi mbërritën në vendin tonë mëngjesin e sotëm. Një prej grave afgane tha se i duket sikur kanë ardhur nga ferri në parajsë. Ndërsa shprehu mbështetjen e tij për ta, gjatë shpërndarjes së dhuratave, Rama u sugjeroi  fëmijëve që të mësojnë shqip.

Anëtari i kryesisë së PD, Fatbardh Kadilli ka shpërthyer ndaj Lulzim Bashës duke thënë se mefshtësia dhe heshtja e tij para kërkesë së SHBA-së për moslejimin e futjes së Berishës në Kuvend, po inkriminon marrëdhëniet e partisë me një prej aleatët më të fortë. Për të Berisha duhet të ishte larguar që prej 2013 nga politika, dhe sot Berisha po mban peng partinë lidhur me ngërçin me SHBA. Kadilli bëri të qartë se ai nuk do të heq dorë nga përpjekja për të marrë PD.

Elisa Spiropali është emri i parë i qeverisë Rama 3, e cila do të mbajë të njëjtin post si në mandatin e dytë, ndërsa Taulant Balla do të vazhdojë të drejtojë grupin parlamentar të PS. Rama foli për 2 fitore të reja, ndërsa shpotiti opozitën, se vjen në parlament me një dhëmballë të prishur. Duke pranuar problemet me qeverinë e Kosovës, ai u angazhua për marrëdhënie vëllazërore, pavarësisht kundërshtive për Ballkanin e Hapur.

Geri Kokalari tha se vendimi i DASH për shpalljen e Sali Berishës dhe familjes së tij 'non grata' ishte i duhuri, madje i vonuar, dhe se DASH duket të dorëzojë të gjitha provat  në drejtësinë shqiptare në mënyrë që të nis një hetim penal ndaj Berishës. Akuzat Kokalari i ka pasur edhe për Ilir Metën për të cilin tha se do të jetë personi i radhës që do të shpallet i padëshiruar nga SHBA.

Kryebashkiaku Erion Veliaj është pritur nga homologu i tij në Prishtinë, Shpend Ahmeti. Në takimin e tyre, Veliaj ka vlerësuar zhvillimin e Prishtinë nën drejtimin e Ahmetit, ndërsa ka shprehur gatishmërinë për të bashkëpunuar edhe me ekipin e ri që do të zgjidhet pas zgjedhjeve vendore që do të mabhen në shtator.