Politikë

Sulmi terrorist në Kabul, ku ndodhën 2 shpërthime duke sjellë një bilanc tragjik me mbi 60 të vdekur dhe shumë të plagosur, është dënuar nga Shqipëria. Ministrja e Jashtme Olta Xhaçka teksa ka dënuar sulmin, thotë se vendi jonë mbetet i përkushtuar për të garantuar jetën dhe sigurinë e bashkëpunëtorëve afganë.

Kryetari i Bashkisë së Tiranës, Erion Veliaj, i cili po zhvillon një vizitë në Prishtinë, ka takuar ditën e sotme kryeministrin e Kosovës, Albin Kurti

Ambasadori i Holandës, Reinout Vos ka marrë zyrtarisht detyrën në Shqipëri, ndërsa është pritur nga presidenti Ilir Meta me rastin e paraqitjes së letrave kredinciale.

Partia Demokratike do të shkojë në Kuvendin e ri në shtator me Sali Berishën dhe për këtë Edvin Kulluri, anëtar i "Grupimit për PD-në", është mëse i bindur, sepse Lulzim Basha nuk ka kurajo që ta marrë një vendim për largimin e tij! Ai ka zbuluar se Basha i ka kërkuar prova ambasadores së SHBA-së, Yuri Kim mbi të cilat është bazuar SHBA-ja për futjen në listën e zezë të SHBA-së, por shprehet i habitur, i surprizuar që as për këtë nuk ka guxim të flasë publikisht, por zgjedh të heshtë.

Ish deputeti Astrit Veliaj nuk ka kursyer kritikat për Lulzim Bashën, ndërsa më parë e ka konsideruar si një lider të paaftë për të drejtuar partisë, sot akuzat e tij janë fokusuar në lidhje me heshtjen e tij, kur SHBA i kërkon largimin e Sali Berishës.

Për herë të parë, kryeministri Rama foli për mundësinë e vaksinimit të detyrueshëm për studentët dhe pedagogët. Rama paralajmëroi, se vaksina do të jetë me detyrim edhe për këdo që ka punë kolektive dhe rrezikon të infektojë të tjerët. Vendimi mund të bëhet fakt në rast të përkeqësimit të situatës së COVID.

Në ditët e tij të fundit si zv.kryeministër, Erion Braçe ka bërë thirrje qytetarëve për t'u vaksinuar me vaksinën anti-COVID, duke sjellë si shembull Italinë. Nga 60 milionë, 48 milion prej tyre janë të vaksinuar dhe kjo për zv.kryeministrin është një tregues se si popullsia beson te shkenca dhe jo te teoritë e konsiparionit që janë përhapur sa i përket kësaj vaksinë.

Pas një periudhe shumë të gjatë që ishte jashtë vëmendjen se opinionit publik, më konkretisht që pas disfatës në 25 prill, Kryemadhi u shfaq sot mes të rinjve të LRI-së. Kryemadhi zgjodhi që të mos mbante një fjalim, por nuk kaloi pa u vënë re ndryshimi i saj rrënjësor në pamje, ku u shfaq me flokë të prera shkurt.

Mesazh aktual për shoqërinë tonë e ka cilësuar presidenti Ilir Meta fjalën e Papa Françeskut për hipokrizinë. Në fjalën e Papës, të shpërndarë nga presidenti, nënvizohet se në politike nuk është gjë e rrallë që të takohesh me hipokritë, të cilët jetojnë një jetë të dyfishtë, atë publike dhe atë private, që ndryshojnë si nata me ditën

Kryeministri Edi Rama ka bërë me dije se Shqipëria do të strehojë rreth 4 mijë afganë, ndërsa nuk e përjashtoi mundësinë që ata mund të qëndrojë përgjithmonë, nëse e duan një gjë të tillë. Rama pati kritika për shtetet anëtare të NATO-së që i thanë "jo" strehimit të afganëve. Në listën e personave që pritet të vijnë në vendin tonë ka gazetarë, aktorë, artistë të fushave të ndryshme, por edhe yje filmash, tha Rama, që u rrezikohet jeta nga talebanët.

Nga

Danjela Maloku

Ditën e hënë do të mblidhet Këshillit Kombëtar i Partisë Demokratike, mbledhja e parë pas zgjedhjeve brenda partisë. Këshilli Kombëtar do të zgjedhë mes të paktën dy kandidaturave, kreun e ri të këtij organi. Ende nuk janë publike dy alternativat për drejtuesin e ri që do të zëvendësojë Bujar Nishanin, i cili pas kritikave ndaj Lulzim Bashës, rrezikoi edhe anëtarësinë në Këshillin Kombëtar, por e shpëtoi pozicioni në krye të shtetit gjatë periudhës 2012-2017. 

BE vijon të përcjellë falënderimet e saj ndaj Shqipërisë për vendimin për strehimin e afganëve. Këtë herë falenderimet janë përcjellë përmes ambasadorit Luigi Soreca gjatë një takimi me ministren e Jashtme Olta Xhaçka dhe ministrin e Brendshëm Beldi Çuçi

Zv.kryeministri Erion Braçe ka paralajmëruar largimin nga qeveria. Me anë të një video shumë domethënëse, në një nga paslëkundjet shumë të forta pas tërmetit të 26 nëntorit, ku Braçe shfaqet duke qetësuar qytetarët e tmerruar, ai është shprehur se tashmë "ka ardhur fundi", duke thënë ndihet i nderuar që u ka shërbyer njerëzve në nevojë përgjatë 24 viteve. 

Këshilli i ministrave ka miratuar një shtesë fondi prej 33 milionë lekësh për Emergjencat Civile. Vendimi është publikuar në fletoren zyrtaren dhe shuma e cila do të rishpërndahet do t'i hiqet programit “Forcat e luftimit” për të kaluar te Emergjencat Civile

Nga

Ermal Qori

Në asamblenë e PS e cila mblidhet në fund të gushtit, pika kryesore e diskutimit, janë emrat e kabinetit të ri qeveritar. Ekskluziviteti për këtë i takon kryeminsitrit Rama, të cilët sipas burimeve për Report Tv, tashmë ai i ka zgjedhur figurat e reja.

Mbledhja e fundit e kryeministrit Rama me kabinetin qeveritar, mori edhe vëmendjen e kreut të opozitës, Lulzim Bashës. Në një reagim në rrjetet sociale, Basha tha se shefi i qeverisë bëri një bilanc arritjesh imagjinare dhe se varfërimi i shqiptarëve, korrupsioni e lidhja me krimin janë rezultatet reale të qeverisjes ‘Rama 2’.