Politikë

Kandidati për kreun e PD-së, Agron Shehaj tha se përballë kryeministrit Edi Rama duhet një lider i pakorruptuar dhe ky nuk është Lulzim Basha.  I pyetur nëse Basha është i korruptuar, Shehaj tha jo, por la të kuptohej se lideri i PD nuk përceptohet si i pakorruptuar në publik. Ai u shpreh i bindur se Basha nuk e çon dot PD drejt fitores, për këtë arsye vë theksin se ai duhet të jepte dorëheqjen dhe nuk duhet të rikandidonte sërish.

Kryetari i partisë Bashkimi Liberal Demokrat, Arian Starova, i cili ishte pjesë e koalicionit me PD-në zgjedhjet e 25 Prillit e ka cilësuar si një proces shumë të rëndësishme atë të zgjedhjeve brenda Partisë Demokratike.  Ai tha se gara është e fortë dhe se Basha nuk do ta ketë të lehtë fitoren. 

Presidenti Ilir Meta, me anë të një ceremonie dekoroi me Titullin e lartë “Mjeshtër i Madh” peshëngritës të spikatur, me kontribute të rëndësishme për zhvillimin cilësor të këtij sporti në vendin tonë

Ambasadori i Gjermanisë në vendin tonë, Peter Zingraf, nuk ka preferuar të japë një koment në lidhje me shpalljen 'non grata' të Sali Berishës nga ana e qeverisë së SHBA-ve. 

Ministrja e Shëndetësisë, Ogerta Manastirliu, u shpreh se procesi i vaksinimit po vijon pa u ndalur në çdo cep të vendin tonë, për të arritur 1 milionë vaksinime brenda qershorit.

Ashtu siç ishte paralajmëruar LSI ankimoi sot në Kolegjin Zgjedhor vendimin e KAS për qarkun Gjirokastër dhe Vlorë. Të njëjtën gjë ka bërë edhe PD për Gjirokastrën. Pas vendimit të marrë nga KAS që ka rrëzuar pretendimet e PD dhe LSI për Qarku e Gjirokastrës përfaqësuesit e këtyre dy forcave politike në KQZ kanë akuzuar se kjo është vendimmarrje politike dhe se do e ankimonin atë në Kolegjin Zgjedhor

Komisioni Hetimor për hetimin e shkeljeve të rënda kushtetuese nga Presidenti Ilir Meta është mbledhur dhe ka vendosur mbylljen e hetimeve për procesin e shkarkimit të Metës. Sot ishte afati i fundit që Presidenti të mund të paraqitej për seancë dëgjimore. Meta ka refuzuar që të paraqitet duke nënvizuar se nuk mund të diskutojë, por dhe as të dëgjohet nga një strukturë e ngritur në Kuvend, që nuk ka legjitimitet dhe nuk duhet të ekzistojë sipas Kushtetutës dhe ligjit.