Politikë

Partia demokratike paditi këtë të premte ministren e Infrastrukturës Belinda Balluku për koncesionin e kalatës së Portit të Durrësit. Sipas tyre, dhënia e koncesionit është bërë në kundërshtim flagrant të rregullave të dhënies së tenderit.

Komisioni i Ekonomisë ka rrëzuar sot dekretin e presidentit Ilir Meta që ktheu për rishqyrtim ligjin për zgjatjen e afatit të koncesionit të Aeroportit Nënë Tereza. Për qeverinë janë respektuar të gjitha ligjet në fuqi dhe nuk është cenuar barazia.

Ministrja e Jashtme Olta Xhaçka ka zhvilluar ditën e sotme një takim me homologen e Bosnje Hercegovinës, Bisera Turković, ku diskutuan mbi dialogun politik dhe bashkëpunimin në rajon si dhe çështje të interesit të përbashkët.

Njëjtë si opozita e bashkuar, edhe Presidenti Meta kërkon të shtyhet deri më 30 prill afati i vlefshmërisë së kartave të skaduara të identitetit, në mënyrë që qytetarët shqiptarë të votojnë me to edhe në zgjedhjet e 25 prillit

Ministrja e Shëndetësisë dhe Mbrojtjes Sociale Ogerta Manastirliu ka inspektuar punimet për ndërtimin e maternitetit të ri në Lezhë, i cili pritet të përfundojë brenda pranverës.

Kryeministri Edi Rama përmes një “Instastory” ka postuar një ndër 100 arritjet e qeverisë gjatë mandatit të dytë.

Kryetarja e LSI-së, Monika Kryemadhi mëngjesin e sotëm ka zhvilluar një takim me banorët e njësisë 1 në Tiranë. Kryemadhi gjatë takimit është fokusuar pikërisht tek rinia shqiptare dhe familjet e reja, si edhe në rëndësinë e qëndrimit të tyre në Shqipëri. Ajo tha se një ndër prioritetet e programit është pikërisht ndalimi i shpopullimit si dhe krijimi i ambientit të duhur për shkollimin, për shërbimin shëndetësor për fëmijët e porsalindur.

Pas drejtësisë dhe shëndetësisë Kryeministri Edi Rama u ndal sot te rindërtimi dhe tha se qeveria nuk la asnjë familje në qiell të hapur pas tërmetit të nëntorit.  Ai theksoi se procesi po ecën me ritmin e duhur dhe nuk lidhet me zgjedhjet. Rama tha se këtë proces mund ta përfundojë vetëm qeveria e tij, pasi Basha nuk mund të lërë gjumin e të zbresë në terren.

Kreu i PD Lulzim Basha ka zhvilluar takime me biznese dhe qytetarë në Njësinë 9 në Tiranë, ku ka hedhur akuza ndaj qeverisë dhe kryeministrit për të cilin thotë se s'po e bën detyrën. Kryedemokrati tha se pas 25 prillit nuk u premton mrekulli por normalitet, duke kthyer administratën në funksionin të tyre.

Kryeministri Edi Rama ka inspektuar lagjen e re të Rindërtimit në Rrëshën ku do të ndërtohen 35 banesa individuale 6 pallate dhe 68 apartamente që pritet të përfundojë në tetor 2021.