Politikë

Kryeministri Edi Rama ka mbyllur fushatën elektorale në Vlorë ku ka bërë thirrje që më 25 prill t'i thuhet njëherë e përgjithmonë lamtumirë fantazmave të së shkuarës që tentojnë të rikthehen në forma të ndryshme dhe të harrohet përgjithmonë gjuha e konflikteve dhe ndasive. Në mbyllje të fushatës, Rama thirri familjen e tij në skenë ku një përshëndetje nuk mungoi as nga djali i tij i vogël Zaho, i cili tha "Unë e dua Vlorën".

Lulzim Basha ka mbyllur ditën e sotme fushatën elektorale në Tiranë duke bërë thirrje për votime masive më 25 prill. Basha premtoi një të ardhme më të mirë pas 25 prillit me PD në krye. Ai tha se do të jetë kryeministri i të gjithëve dhe qytetarëve do i rikthehet dinjiteti.

Me të birin, Zahon përdore dhe bashkëshorten, Linda Ramën, kreu i PS-së, Edi Rama është i pranishëm në Vlorë, në mitingun përmbyllës të fushatës elektorale të PS.

Ambasadorja e SHBA, Yuri Kim, ka shpërndarë thirrjen e Komitetit për Marrëdhëniet me Jashtë në Uashington, që i kërkon autoriteteve shqiptare që t’i sigurojnë votues mundësinë për të votuar të lirë nga frikësimi dhe dhuna më 25 prill.  

Pa asnjë lloj ndjesë për ngjarjen e rëndë  dhe asnjë pendesë shfaqur prej tij apo kërkim falje, Basha përmbylli ditën e sotme fushatën elektorale në Elbasan ku kërkoi votë pasive për PD-në më 25 prill, pasi sipas tij kjo është e vetmja parti që mund të sjellë ndryshimin dhe integrimin e vendit në BE.

Kryedemokrati Lulzim Basha ka bërë ditën e sotme takimin përmbyllës në Qarkun e Elbasanit ku 2 dite me parë paramelitaret e tij vranë 1 person, ndërsa Kryeministri Rama takimin përmbyllës në Qarkun e Elbasanit  zhvilloi para disa ditësh

Drejtuesi politik i Partisë Socialiste për Qarkun e Elbasanit, Taulant Balla mori pjesë në takimin për mbylljen e fushatës elektorale në Prrenjas

Vrasja në Elbasan duket se ka dhënë efektet te mbështetësit e PD, të cilët kanë kundërshtuar këtë mënyrë dhune të PD-së për të marrë pushtetin duke e braktisur Lulzim Bashën gjatë takimit përmbyllës në këtë qytet.

Në stadiumin ”Niko Dovana”, në prani të shumë simpatizantëve e mbështetëse, kreu i PS-së, Edi Rama mbylli fushatën elektorale në Durrës. Ndërsa përmendi punët e bëra gjatë dy mandateve qeverisës, Rama i kërkoi votën  durrsakëve duke i premtuar se PS do bëjë për Durrësin më shumë nga sa është bërë në 100 vite.

Sot Partia Socialiste e Shqipërisë zhvillon mitingun përmbyllës në stadiumin ”Niko Dovana” të Durrësit. Mbështetësit e PS nuk i ka penguar as moti i vrenjtur për të shkuar në mitingun përmbyllës. Pjesëmarrja është përtej parashikimeve.