Politikë

Komisioneri për Zgjerim, Oliver Varhelyi tha gjatë mbledhjes së Këshillit të  Stabizilim Asocimit se Shqipëria i ka plotësuar të gjitha kushtet për tu ulur në konferencën ndërqeveritare mes Shqipërisë dhe Be. Varhely theksoi se vendi ka përparuar me reformën në drejtësi konkretisht me procesin e vetingut që po ecën fuqishëm, dhe ngritjen e gjykatës kushtetuese. Edhe Kreu i Parlamentit Europian, David Sassoli tha pas takimit me kryeministrin edi rama se Shqipëria ka ecur me reformat kryesore drejt rrugës së integrimit në BE dhe për këtë ai kërkon mbajtjen e konferencës ndërqeveritare sa më shpjet.  

Këshilli i Stabilizim Asociimit ka vlerësuar Reformën në Drejtësi, duke thënë se organet e reja kanë filluar të veprojnë. Në deklaratën e përbashkët theksohet se Shqipëria ka bërë progres në përgatitjen e zgjedhjeve, duke ftuar palët që të bashkëpunojnë. Ndërkohë Brukseli nuk ka asnjë datë konkrete për konferencën e parë ndërqeveritare me Shqipërinë.

Ministrja e Drejtësisë Etilda Gjonaj zhvilloi një takim online me kryetaren e Bordit të Transparency International, Delia Ferreira Rubio, e shoqëruar nga  Lidija Prokic, Këshilltare për Rajonin e Ballkanit Perëndimor.

Ish deputeti i LSI Endrit Braimllari në një intervistë në Report Tv ka deklaruar se marrëveshja e firmosur sot mes kreut të PD Lulzim Basha dhe kryetares së LSI Monika Kryemadhi, është bashkim energjish kundër kryeministrit Edi Rama.

Ministrja e Arsimit, Sportit dhe Rinisë Evis Kushi, përmes një postimi në rrjetin e saj social Facebook ka bërë me dije takimin e zhvilluar me kampionin e Ballkanit, atletin Izmir Smajlaj.

400 nxënës të Kavajës do e nisin vitin e ri shkollor në një shkollë të rikonstruktuar, pas dëmtimeve që pësoi nga tërmeti i nëntorit 2019. Drejtuesi politik i Partisë Socialiste për Kavajën, inspektoi punimet në shkollën 9-vjeçare “Fiqiri Kurti”, e cila do të jetë edhe parashkollor.

Kreu i Komisionit Qendror të Zgjedhjeve Ilirjan Celibashi, përmes një postimi në rrjetin e tij social Twitter, i ka bërë thirrje subjekteve zgjedhore të dorëzojnë brenda afateve dhe jo në momentin e fundit dokumentacionin e kandidimit.