Politikë

Report Tv dhe Instituti prestigjioz italian Piepoli publikuan sondazhin e dytë për zgjedhjet politike të 25 prillit. Partia socialiste mbetet forca kryesues dhe ka një distance të madhe me PD dhe LSI edhe nëse ato i bashkojnë votat. Ndërkohë që surprizë është partia e Topallit, e cila renditet forcë e pestë e garon për mandat. Në Tiranë sondazhi thotë se PS do të merrte 17-19 mandate, PD  12-14 mandate, LSI 1-3 mandate. Piepoli arriti të parashikonte saktësisht zgjedhjet e përgjithshme të vitit 2013 dhe 2017 në Shqipëri.

Kreu i Partisë Demokratike, Lulzim Basha ka hedhur akuza në drejtim të kryeministrit Edi Rama, sipas së cilit pushteti i tij është i lidhur ngushtë me mafian.

Zv.kryeministri Erion Braçe ka folur për përgjimet e publikuara nga antimafia italiane mbi bisedat e disa mafiozëve të Ndrangheta-s që flisnin për investime në Shqipëri.  Sipas Braçes nuk ka asnjë provë në dosje, që të gjithë ata persona që flasin në përgjime dhe të vënë nën akuzë nga antimafia atje, të kenë kryer ndonjë aktivitet në territorin e Shqipërisë. Këtu zv.kryeministri thekson se në përgjime nuk flitet për kryeministrin, dhe as për ndonjë ministër apo anëtar të PS, duke i quajtur akuzat e opozitës shpifje

Kërkesa për nisjen e hetimeve për një nga vrasjet pa autor të 21 janarit, (Aleks Nikën) për zv. kryeministrin Erion Braçe ka shtuar frikën te Sali Berisha, si urdhërues dhe Lulzim Basha ministër i Brendshëm aso kohe. Se kush është urdhërues, zv. kryeministri shprehet se nuk ka asnjë dyshim që ai është Sali Berisha. 

Kryetarja e LSI-së Monika Kryemadhi, ka zhvilluar një takim me banorët e njësisë numër 2 në Tiranë ku ndërsa ka folur për programin e LSI, ka thënë se 5 prioritetet janë të realizuaeshme sipas saj në 5 muaj dhe me kosto financiare 0 në buxhetin e shtetit.

Halit Valteri është konsideruar si një prej personazheve më të rëndësishëm të partisë së re të krijuar së bashku me deputetët Myslym Murrizi, Alban Zeneli, dhe Arlind Çaçani, Lëvizjes Demokratike Shqiptare. Por sot në një intervistë të dhënë në Report Tv Valteri ka thënë se ende nuk e ka vendosur se me cilën forcë politikë do të kandidojë në zgjedhjet e 25 prillit.

Kryeministri Edi Rama, ishte pasditen e kësaj të marte në kantierin e konvikteve të Universitetit Bujqësor, ku ka inspektuar nga afër punimet. Ky kantier do të strehojë 2200 studentë në total, në 8 godina të reja.

Nga

Adriatik Doci

Pas thikave me helm dhe çadrave-pistoletë të Berishës, ish-Komandanti i Gardës shton letrat sekrete, planin për të vrarë krerët e shtetit dhe protestues me fuqi të mbinatyrshme, të dy mohojnë urdhrat, por një raport i SHKB-së dhe dëshmia e Agron Malaj konfirmojnë urdhrat për vrasje   

Partia Demokratike, përmes një postimi në rrjetin social Facebook kanë dhënë lajmin e trishtë se kandidatja për deputete, Ardita Gjyla është larguar nga jeta në mënyrë të parakohshme.

Nga

Danjela Maloku

Shefi i kabinetit të PD, Dorian Teliti tregon për Report Tv prioritetet e programit elektoral të selisë blu. Teliti thotë se PD do të aplikojë një sistem të thjeshtë taksimi, që nëpërmjet taksës 9%  do të dërgojë më shumë para në xhepat e qytetarëve. Teliti sqaron edhe pikat ku PD ndahet nga LSI, e cila prezantoi dje programin e saj elektoral.

Kryetari i Sindikatës së Futbollistëve, Andi Lila, i propozuar si kandidat për deputet për PD në Tiranë, duket se ka shpalosur programin për sportin që kur të vijë opozita në pushtet do të jetë objekti i politikës së tyre.

Presidenti, ilir Meta ditën e sotme, përmes një postimi në rrjetin e tij social Facebook ka kujtuar përvjetori e ndarjes nga jeta të artistit Laver Bariu.

Zëvëndëskryeministri, Erion Braçe përmes një postimi në rrjetin e tij social Instagram, ka bërë me dije se nafta për fermerët është pa akcizë dhe taksë qarkullimi dhe se tashmë ky është një realitet dhe jo një premtim i pa mbajtur.