Politikë

Erion Veliaj, bëri një ankim individual në Kushtetuese, pasi Apeli i GJKKO-së dhe Gjykatën e Lartë i rrëzuan kërkesat për tu liruar nga qelia. 

Analisti Mentor Kikia thotë se protesta e PD më 24 janar ishte me skenar dhe se këtë radhë ishte rritur doza e agrisivitetit. Kikia shtoi se Sali Berisha ka vite që bën deklarata për rrëzimin e Edi Ramës, por është ende në opozitë.

Në krye të Inspektoratit të Mbrojtjes së Territorit është emëruar Adriatik Kupi. Ai ka qenë administrator i Njësisë së Petrelës në Tiranë dhe më vonë drejtor i Operatorit të Sistemit të Shpërndarjes.

Gjatë bisedës me zyrtaren europiane, Peleshi shprehu vlerësimin për mbështetjen e vazhdueshme të Parlamentit Europian dhe theksoi se perspektiva europiane e Shqipërisë mbetet e qartë, afatgjatë dhe e pakthyeshme.

Brenda muajit shkurt, në Shqipëri do të nisë prodhimi i dronëve. Kontrata e bashkëpunimit me një kompani izraelite është një nga 6 të tilla të firmosura nga ndërmarrja ushtarake Kayo, me partnerë privat, vendas e të huaj. Bëhet fjalë për prodhime që shkojnë nga armatimt te uniformat apo mjetet e blinduara.

Kryetari Sokol Sadushi tha se drejtësia duhet të jetë e pavarur dhe e përgjegjshme, dy standarde që i theksoi fort. Ulje të dosjeve stok, zbardhje më të shpejtë të vendimeve, më shumë masa ndaj magjistratëve që abuzojnë dhe një ndryshim tërësor kulture ndëshkuese kur bëhet fjalë për masat e sigurisë dhe dënimet, ishin masat e kërkuara nga ministri Lamallari.

Ministri ka ndarë historinë e Florianit, piktorit që vuan dënimin në Institutin e të Miturve në Kavajë, duke shkruar se në çdo penelatë ka reflektim dhe thirrje për t’u parë si njeri.

Braçe tregon gropat në rrugët “Margarita Tutulani”, “Ndreko Rino”, “Marko Boçari” që vështirësojnë qarkullimin. Deputeti shprehet se e ka kërkuar që në shkurt ndërhyrjen dhe nuk ka ardhur ende askush të paktën për të parë gjendjen.

Kryeministri Edi Rama u prit nga homologu i tij Benjamin Netanjahu. Pas takimit kokë më kokë, dy kryeministrat zhvilluan një konferencë për shtyp me fokus tek marrëdhëniet dypalëshe për zhvillimin turistik dhe ekonomik të dy vendeve. Kreu i qeverisë së bashku me bashkëshorten e tij viztuan edhe “Murin e Lotëve” në Jeruzalem.