Politikë

Ndryshe nga dita e djeshme ku i shfaq i buzëqeshur dhe i lumtur ndërsa thoshte se PD fitoi ende pa nisur procesi i numërimit, sot kreu i PD-së Lulzim Basha i kishte ikur buzëqeshja, por sërish foli për fitore edhe pse me buzë varur. PS deri tani është në avantazh në rang kombëtar por edhe në Tiranë.

Ndërsa PS vijon të kryesojë deri më tani si forcë e parë në vend, Juristi Kreshnik Spahiu ka ironizuar kreun e PD-së, Lulzim Bashën. Në Facebook, Spahiu thotë që mos ta zgjojnë sot Bashën, pasi "gjumi i mëngjesit është plot ëndrra dhe gërhitje".

Zëvendëskryeministri Erjon Braçe është shprehur i indinjuar nga ndalimi i procesit të numërimit në Divjakë, ku sipas tij kanë qenë numëruesit e PD dhe LSI që ende pa mbaruar një njësi të plotë e lanë këtë proces përgjysmë me pretendimin se u lodhën. Brace shprehet se kjo është shpërdorim detyre dhe dënohet penalisht, ndërsa bëri thirrje procesi i numërimti të nis urgjentisht.

Vetëm pak orë pas mbylljes së kutive të votimit, me një lëvizje të papritur, Kryetari i PSD, Tom Doshi ka dhënë dorëheqjen nga mandati si deputet i zgjedhjeve të 25 prillit. Ai ka dorëzuar letrën në KQZ, ku i kërkon që ta zëvendësojë si deputet bazuar në dispozitat e Kodit Zgjedhor. Doshi tha se duhet të ishte i lirë për të mbrojtur veten nga lakimi pa vend dhe tendecioz që i është bërë. Ndërkohë thekson se do të vijojë të jetë në krye të PSD.  

Dalja e rezultatit në njësinë 10 në Tiranë ku PS doli forcë fituese, për kandidatën e PD-së për deputete Jorida Tabaku tregon trendin fitues të PD në të gjithë Tiranën.  Tabaku tha se në këtë njësi PD u rrit me 30 % ose 1200 vota, ndërsa PS pësoi rënie me 200 vota.

Ndërsa procesi i numërimit në të gjithë vendin vijon, Presidenti Ilir Meta ka reaguar duke kërkuar që të mos tjetërsohet asnjë votë.

Pas daljes së rezultatit në njësinë 10 në Tiranë ku PS rezultoi fituese, kryebashkiaku Erion Veliaj tha se PS po përgatitet për fitore në të 42 njësitë e kryeqytetit dhe se ky rezultat shërben si barometër.

Kandidati i LSI në qarkun e Beratit, Lefter Maliqi konsteston rezultatin e zgjedhjeve duke pretenduar se i janë grabitur votat. Ai shkruan se votat e tij janë blerë dhe manipuluar.

Votimi dhe numërimi elektronik në njësinë 10 në Tiranë, konfirmon fituese PS, ashtu siç ka dalë deri tani edhe manualisht në rang qarku të Tiranës duke treguar se ky sistem funksionin me saktësi duke ruajtur integritetin e votës. Vota preferenciale ka nxjerrë në pah që Dashamir Shehi ka mundur liderin historik të PD, Sali Berisha, ndërsa Agron Shehaj mund Bashën. Monika Kryemadhi pëson disfatë të madhe, merr vetëm 81 vota. Fatmir Xhafaj më i votuari i socialistëve.

Kryeministri Edi Rama e ka nisur mëngjesin e 26 prillit me një foto që i ka bashkangjitur një mesazh domethënës.