Politikë

Teksa ishin të ulur në karrigen e tyre në Kuvend, deputetët Ralf Gjoni dhe Halit Valteri kanë pasur një debat të fortë më njëri- tjetrin. Siç shihen në videon e Report Tv, më i nervozuari nga ky debat është Valteri.

Kryetarja e Këshillit të Lartë Gjyqësor Naureda Llagami u shpreh se stoku i dosjeve në Gjykatën e Lartë është shtuar me 5654 cështje duke çuar në mbi 34300.

Mbledhja e grupit parlamentar të Partisë Socialiste vonoi me gati një orë nisjen e seancës plenare. Burimet bëjnë të ditur se shkak i kësaj vonesë u bë pasi grupi parlamentar i PS kishte debate për kandidaturën për kreun e KLSH, Arben Shehu.

Pavarësisht se gjendja e fatkeqësisë natyrore përfundoi, seanca e sotme plenare u zhvillua me të njëjtat rregulla, ndërsa u dominua nga debati politik për reformën zgjedhore, por edhe akuzat e ngritura kundër Hashim Thaçit dhe Kadri Veselit për krime lufte. 

Për rreth dy orë kreu i Partisë Demokratike, Lulzim Basha mblodhi kryesinë e PD, ku kanë votuar që përzgjedhjen e  kandidatëve për deputetë në zgjedhjet e ardhshme ta bëjë anëtarësia. Sipas Partisë Demokratike, rregullat dhe parimet mbi të cilat do të kryhet përzgjedhja e kandidatëve ndahen në katër faza.