Sociale

Që nga shpërthimi i epidemisë në muajin mars në Shqipëri janë regjistruar mbi 54 317 raste pozitive me COVID-19 dhe kanë humbur jetën 1117 persona. Sipas Institutit Kombëtar të Statistikave, INSTAT, gjatë tremujorit të dytë të 2020-tës, Prodhimi i Brendshëm Bruto i vendit ra në – 10.2 përqind.

Për shkak të pandemisë afrimi i festave të fundvitit është shoqëruar me efekte negative për tregtarët e gjelave të detit në Vlorë të cilët ankohen se ka rënë fuqia blerëse.  Edhe pse çmimi sivjet ka shënuar rënie, blerësit thonë që ngurojnë të blejnë  për shkak të vështirësive ekonomike.

Familja e Artur Cikës në Gjirokastër, ka kthyer një ambient shkollor në strehëz banimi. Në kushte të vështira ekonomike dhe shëndetësore, kryefamiljarja kërkon të marrë pagesën si person me aftësi ndryshe. 

85-vjeçari Hasan Vatnikaj  banues në Bajram Curri  është larguar nga banesa më 11 dhjetor 2020 dhe nuk është kthyer më.

Në një intervistë në ‘’ Rreze Dielli’’ ishim me mjeshtrin kombëtar të shahut Landi Pasku. Ai na rrëfeu emocionet e një sportisti që jetën ia ka kushtuar këtij sporti. 

Shërbimet e qendrës ndjekin modelin zviceran të qendrave të karrierës, të përshtatura sipas kontekstit të Shqipërisë dhe nevojave të të rinjve e të rejave në vend.

Kërkoi t’i jap fund martesës 17-vjecare dhunohet barbarisht dhe përfundon në spital me hematoma në fytyrë 35-vjecarja në Greqi. Irena Hamataj vuri në dijeni prindërit, por i ati e kritikoi duke mos e lejuar që ajo të kryente divorcin me Gazmend Hamatajn.

Nga

Eliza Gjediku

Diaspora e vendit është zgjeruar në vitin 2019, sipas të dhënave të INSTAT. Janë mbi 1.2 milionë shtetas shqiptar që kanë jetuar jashtë territorit deri në fund të 2019. Shkaku kryesor për largimet është mundësitë më të shumta për tu punësuar. Po ashtu raportohet edhe për plakjen e popullsisë, pasi janë ulur lindjet.

Me lot në sy dhe me zë të mekur, e pamundur për të ndihmuar vajzën e saj 30-vjeçare që dergjet pavioneve të spitaleve, një nënë nga Ura-Vajgurore kërkoi ndihmë në emisionin ’Pa Gjurmë’.

Pyjet me pisha në parkun kombëtar të Qafështamës janë dëmtuar nga sëmundja e procesionares, e cila po than drurët halorë. Edhe pse ky shqetësim mbetet prej kohësh asnjë masë nuk është marrë për të shpëtuar parkun kombëtar.

Kur shikon që të rinjtë janë të gatshëm të ndajnë çdo gjë të jetës së tyre dhe  me këdo në llogaritë tyre në rrjetet sociale të mundon pyetja: a është ky një dimension i ri lirie ku ky brez  shfaqet pa teklif si një libër i hapur apo është një një fenomen që po mundohet të na tregojë një problem.? Pse duan të jetojnë jetën e tyre edhe në rrjetet sociale dhe ndoshta më shumë aty, sesa realitetin?

Dy binjakët të cilët lindën prematurë ia kanë dalë të lënë terapinë intensive dhe të kthehen shëndoshë e mirë në shtëpinë e tyre pranë prindërve. Binjakët kanë qenë gëzimi i mjekëve dhe stafit të Neonatologjisë në maternitetin "Koço Gliozheni" gjatë kohës që kanë qëndruar duke treguar se ishin luftëtar të vërtetë të jetës.

Festim Lleshi ka rrëfyer betejën e tij me COVID, që nga momenti kur mësoi se ishte prekur nga COVID deri te komunikimi me mjekët e spitalit.

Radhë të gjata u shfaqen paraditen e sotme përpara Prefekturës së Durrësit ku qytetarët u dyndën për të bërë aplikimet për dëmet e tërmetit. Kjo është hera e trete që çelen aplikimet, ndërsa u shkelen masat anticovid.

Nga kjo e hënë pensionistët do të marrin shpërblimin prej 5 mijë lekësh që u takon me vendim qeverie me rastin e festave te fundvitit.  Sipas drejtorit të Institutit të Sigurimeve Shëndetësore, Astrit Hado infrastruktura është dhe përfitues janë 677 mijë qytetarë.

Rruga e Martaneshit është krejtësisht e shkatërruar, prej vitesh ajo nuk ka njohur asnjë investim, ndërsa kompanitë kontraktore kanë abuzuar me fondet thotë kreu i njësisë vendore Arjan Haslika. Kjo rrugë nuk përdoret vetëm nga banorët, por edhe nga 100 kompani që nxjerrin krom në minierat e Martaneshit. Mjetet e tonazhit të rëndë kanë dëmtuar më së shumti këtë aks rrugor.

Bora Hasanaj (emër i vendosur nga redaksia) është nëna e një djali 10-vjecar nga fshati Funar i Elbasanit, e cila rrëfen historinë e jetës së saj në emisionin ’Pa gjurmë’. Një ngjarje e rëndë ka ndodhur në familjen e tyre 7 vite më parë, ndërsa ish-bashkëshorti u akuzua për abuzim seksual me mbesën e tij në Greqi, në vitin 2013. Një lajm tronditës ky, të cilin 30-vjeçarja e mësoi nga ish-vjehrra e saj.

Zhduket në drejtim të paditur, 85-vjeçari nga Bjaram Curri, Hasan Vatnikaj. I moshuari ishte larguar disa herë nga shtëpia, dhe prej kohësh vuante nga skleroza. 6 ditë nga humbja e Hasan Vatnikaj, familjarët vendosen të kërkojnë ndihmë në Report Tv. Emisioni ‘Pa Gjurme’ trajtoi rastin e të moshuarit duke u lidhur me djalin, Xhevahir Vatnikaj

Nga

Doris Sallaku

Tirana ka numrin më të lartë të rasteve aktive me COVID-19 në vendin tonë me mbi 12 mijë të tilla ndërsa vatrat më të nxehta të virusit vijojnë të mbeten ish-blloku, Astiri, Fresku, Kodra e Diellit dhe Kamza. Nga data 1-15 dhjetor janë shënuar  mbi 11 mijë raste të reja me COVID-19 dhe kanë humbur jetën 218 qytetarë.