Sport

Fakti që Tirana është një nga kryeqytetet e futbollit të Evropës këtë muaj dhe shtëpia e finales prestigjioze, është një dëshmi e punës së mirë strategjike që Shqipëria bëri në zhvillimin e futbollit në territorin e saj”, deklaroi sot presidenti i UEFA-s, Aleksander Čeferin, në një intervistë për Agjencinë Telegrafike Shqiptare.

Tirana 'hajmalia' e italianëve. Roma ka mundur 1-0 Feyenoordin në 'Air Albania'  duke marrë trofeun e parë evropian në historinë e saj pas 61 vitesh, dhe të parin për futbollin italian pas 12 vitesh! Italianët shpërthejnë në festë, duke 'iu falur' Nikolo Zaniolo i cili shënoi golin e vetëm të ndeshjes.

Për herë të parë do të jepet sot në ‘Air Albania’ në Tiranë dhe fatlum do të jetë ekipi i Romës ose i Feyenoord por i dini detajet e trofeut të UEFA Europa Conference League! Vetë konfederata evropiane e futbollit i ka bërë të ditura përmes një postimi në rrjetet sociale.

Shefi i Urgjencës Kombëtare, Skënder Brataj foli në një intervistë për ‘Report Tv’ në emisionin 'Sot Live në Shqipëri' me gazetarin Andi Kapxhiu duke thënë se janë përgatitur për finalen e madhe të Conference League, mes ekipit italian të Romës dhe ekipit hollandez të Feyenoord. Nëse do të ketë sërish përplasje të tifozëve, planet e gatishmërisë shëndetësisë janë që spitali i Traumës të jetë në dispozicion të tifozëve të Romës, ndërsa Sanatoriumi për ata të Feyenoordit.

Gjithçka është gati. Në sfond është muzika "Roma, Roma" që e bën lehtësisht të kuptueshme që aty do të jenë të pozicionuar tifozët italian që kanë ardhur për të mbështetur skuadrën e tyre të zemrës.

Mijëra tifozë të Romës kanë mbërritur mëngjesin e kësaj të mërkure në portin e Durrës për të ndjekur skuadrën e tyre të zemrës në finalen e UEFA Conference League. Me flamuj në duar, ata kanë nisur festën në dalje të terminalit.