100-vjetori i lindjes së martirit antikomunist, që vuajti plot 43 vjet edhe vdiq në burgjet komuniste, Sami Dangëllisë (1920-1987), u përkujtua nga Instituti i Studimeve për Krimet edhe Pasojat e Komunizmit, bashkëvuajtësit edhe të afërmit.
“Përkujtojmë Sami Dangëllinë, në 100-vjetorin e lindjes së tij. Sami Dangellia vuajti plot 43 vjet ne burgjet komuniste. Një nga figurat më të shquara të qëndresës antikomuniste në Shqipëri. Një njeri, i cili nuk pranoi të hiqte dorë nga idealet e tij dhe për këtë komunistët e dënuan në moshën 24-vjeçare, ku vuajti aq gjatë deri në vdekjen e tij ne vitin 1987”, shprehet drejtori i ISKK, Çelo Hoxha.
I konsideruar, si një nga figurat simbol të rezistencës gjatë regjimit komunist në vendin tonë, për shkak se nuk pranoi që të bashkëpunonte më këtë sistem, Dangëllia nuk përjetoi asnjë zhvillim jashtë dyerve të burgjeve, nga mosha 27 vjeçe deri ditën që vdiq.
“Para viteve 44, kur u kthye nga Italia në ’43 e akuzuan, sepse u rreshtua në radhët e Ballit kombëtar, si një nacionalist i vendosur edhe i spikatur, propagandoi fjalën për liri edhe demokraci. Propagandonte me të madhe, se komunizmi ishte një antivlerë në botë”, thotë i afërmi Destan Dangëllia.
Sami Dangëllia (1920-1987) lindi në Menkulas të Korçës. Pas pushtimit të Italisë vazhdon një shkollë ushtarake në këtë vend. Por, e rikthejnë në Shqipëri në vitin 1943. Periudhë kjo, që u angazhua në luftë kundër pushtuesve me forcat partizane të Brigadës II Sulmuese. Në tetor 1943 - 1 shtator 1944 radhitet në radhët e Ballit Kombëtar, edhe arrestohet nga komunistët për mosbindje. U shua në moshën 67-vjeçare.
Drejtori i ISKK Çelo Hoxha përfundon se duhet që të ketë më shumë vëmendje nga shteti që këto figura të njihen nga brezat e rinj.
Lajme të tjera
-
Nisma e PD për ndalimin e filmave të komunizmit/ Petro Koçi: Përpjekje për censurë! Hoxha: Kanë qenë komplet propagandë për krijimin e 'Njeriut të ri'
30 Shtator 2022, 12:46 -
Debati për filmat e diktaturës, Hoxha: Artistët u paguan nga sistemi, pastrim si me nazistët! Kumbaro: Ky është diktat! Punuam me pasion
18 Shtator 2022, 17:06
-
Krimet në diktaturë, '171 autorët' në ish-vilën e Enver Hoxhës! Godole: Ka ardhur koha ta mendojmë si muze të posaçëm
22 Shkurt 2022, 17:06
-
Besa e ish-sigurimsave dhe ‘gjyqi’ publik i Camajt dhe Koliqit
16 Korrik 2020, 15:13
-
Spartak Braho kërkon shkarkimin e pasuesit të Agron Tufës: Ka njollosur Luftën Antifashiste, është zgjedhur me votim të falsifikuar
1 Qershor 2020, 15:48
