14 deputetë të Syriza-s në në mbrojtje të Shqipërisë, dalin kundër televizionit kombëtar grek Star

Televizioni kombëtar grek Star është kritikuar sot nga 14 deputetë të grupit parlamentar të Partisë SYRIZA, pasi sipas tyre ka shpërndarë lajme të rreme në lidhje me vrasjen e Kaçifas nga RENEA në Bularat të Gjirokastrës.

Në një fjalim në parlamentin grek, deputetët thonë se në lajmet e televizionit Star është thënë se Kaçifa u vra në mënyrë makabre e jo gjatë përplasjeje me armë zjarri me policinë. Sipas tyre, ka dyshime për besueshmërinë e televizionit.

Emrat e deputetëve që dolën kundër televizionit Star janë Karagiannidis Christos, Akriotis George, Gkioles Gjoni, Theban Nikos, Katerina Inglezi, Kavvadia Annetta, Cezium George, George Qirici, Morfidis Kostas, Balaouras Gerasimos, D. Zimanis Giorgos, Pallis Yorgos, Skoufa Betty dhe Stamatakis Eleni.

Në prononcimin e tyre thuhet se:

“Lajmi i ditëve të fundit ku thuhet se Konstandinos Katsifas nuk u vra gjatë një shkëmbimi zjarri por u arrestua më pas u vra në mënyrë makabre nga forcat policore shqiptare në fshatin Bularat me 28 tetor 2018 është një shqetësim i madh për ne.

Ky incident i rëndë u shfrytëzua për të nxitur nacionalizma të pavend në publik nga televizioni “Star” dhe nga faqe interneti të dyshimta për besueshmërinë e tyre“.

Konstantinos Kaçifa u vra në 28 tetor 2018 gjatë përplasjeje me armë me policinë në Bularat dhe do të varroset nesër në një ceremoni që do të mbahet në këtë fshat ku pritet të vijnë edhe ekstremistë grekë. Mediat greke raportuan se Kaçifa u vra padrejtësisht pasi kishte ngritur flamurin grek dhe policia shqiptare e kishte ulur. Ngjarja hapi një konflikt diplomatic mes dy vendeve, ndërkohë që ditën e nesërme ai do të varroset në Bularat, në një ceremoni ku pritet të marrin pjesë edhe ekstremistë që do të vijnë nga shteti fqinj.

TAG:
• Parlamenti grek
• vrasja e grekut ne gjirokaster
• syriza
• televizioni star
• Kostandin Kacifas