2 raste të reja vetëm në Durrës në 24 orët e fundit, numri më i ulët që nga fillimi i pandemisë! 77% e të prekurve janë shëruar (VIDEO)

Dita e sotme ka shënuar numri më të ulët të prekurve nga koronavirusi që nga fillim i pandemisë. Gjatë 24 orëve janë shënuar vetëm 2 raste të reja me COVID-19 dhe ato janë raste kontakti të të prekurve më parë në Durrës.

Gjatë 24 orëve të fundit janë testuar 168 qytetarë si të dyshuar si të prekur me Covid19 dhe kanë rezultuar pozitivë 2 qytetarë, në Qarkun Durrës.

Të shëruar janë 12 qytetarë, ndërsa 77 % janë të shëruar që nga fillimi  e epidemisë.

Deri më sot janë kryer mbi 12,500 testime dhe janë konfirmuar pozitivë me COVID-19 në të gjithë vendin 948 qytetarë. Aktualisht janë 190 persona aktivë me COVID-19, kryesisht ne Tiranë, Durrës Krujë, Shkodër.

Gjendja në spitale paraqitet e qëndrueshme prej ditësh me 15 pacientë të shtruar dhe vetëm 3 prej tyre janë në terapi intensive. 

"Ministria e Shëndetësisë dhe Mbrojtjes Sociale apelon qytetarët të tregohen të përgjegjshëm, duke respektuar distancimin fizik, duke ruajtur higjienën personale, duke shmangur vizitat tek të afërmit për çdo lloj arsye, ndërsa bizneset duhet të zbatojnë protokollet strikte. Qytetarët të jenë të kujdesshëm dhe të mos neglizhojnë shenjat e sëmundjes Covid-19, ndaj ju lutemi telefoni në numrin unik të Urgjencës Kombëtare, 127', tha epidemiologia Eugena Tomini.

 COVID-19 – Statistika  (18 Maj 2020)

Testime totale                      12722

Raste pozitive                        948

Raste të shëruara                 727

Raste Aktive                          190

Humbje jete                          31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

   

Shpërndarja gjeografike e rasteve aktive është si vijon:

Tiranë           69

Krujë            44

Durrës          31

Shkodër       15

Kamëz          12

Berat             10

Fier                 4

Elbasan          2  

Kurbin            1

Mirditë           1

Korçë             1

TAG:
• Koronavirus
• koronavirusi ne shqiperi