POP 5

Lajmet më të lexuara të 5 minutave të fundit

Ekonomi

29 mijë profesionistë të lirë do të tatohen në vitin 2024! Sondazhi në Shqiptarja.com: 46.4% e qytetarëve nuk janë dakord

Afërsisht 29 mijë profesionistë të lirë të nga 1 janari do taksohen me fasha sipas fitimit vjetor. Sipas një sondazhi të Report Tv, mbi 46% e qytetarëve janë shprehur kundër dhe vlerësojnë se krijon pabarazi me biznesin e vogël i cili nuk paguan taksa deri në 2029

Nga 1 janari 2024 rreth 29 mijë profesionistë të lirë të ndarë në 169 profesione futen në sistemin e taksimit me fasha. Kush fiton deri në 14 milionë lekë do paguajw 15% tatim, ndërsa ata që marrin mbi këtë vlerë do tatohen me 23%.

Lista për profesionet e lira, e miratuar më 20 dhjetor nga Këshilli i Ministrave, dhe përfshin aktivitete të tilla si avokatët, arsimtarët, mjekët, veteriner, pasuritë e paluajtshme, agjencitë e lajmeve, agjencitë e punësimit apo ato të udhëtimit, operatorë turistikë, sportistë, call center, organizator eventesh, shërbimet IT etj. Taksimi tyre pritet të sjellë në buxhetin e shtetit 30 milionë euro të ardhura përgjatë gjithë vitit 2024.

Për këtë vendim, Report TV e Shqiptarja.com kanë zhvilluar dy sondazhe. I fundit është ai i datës 23 dhjetor pas publikimit të listës së personave që do taksohen, ku qytetarët janë pyetur nëse janë dakord që 169 profesione të lira të paguajnë tatim deri në 23%.

Deri më tani në sondazh kanë marrë pjesë 4.332 votues ku shumica nuk janë dakord që kjo kategori të taksohet nga 1 janari. Konkretisht 46.4% e qytetarëve janë kundër, 45.8% janë pro dhe 7.8% nuk kanë një opinion.

Ekspertët kanë ngritur shqetësimin që kjo skemë taksimi krijon pabarazi mes të vetëpunësuarve që ofrojnë shërbime profesionale dhe biznesi i vogël i cili deri në 2029 nuk paguan as tatim mbi fitimin e as TVSH.

Ky shqetësim është mbështetur nga pjesa më e madhe e qytetarëve në sondazhin e parë të bërë më 22 shtator 2023, ku qytetarët u pyetën, se si ju dukej ky vendim?

Në sondazhin me 5023 votues, më shumë se 46.8% (2,350 votues) prej tyre e vlerësojnë vendim të gabuar, taksimin e kësaj kategorie të shoqërisë. Ndërsa 45.6% e qytetarëve thonë se vendimi është i drejtë, ndërsa pjesa tjetër prej 7.6% nuk kanë një opinion mbi taksimin e tyre.

Futja në sistemin e taksimit e kësaj kategorie sipas Ministrisë së Financave është bërë për shkak se shumë profesionistë të lirë, ofronin shërbimin e tyre për kompani të ndryshme ndërkohë që nuk paguanin tatim për shkak se janë të regjistruar si persona fizik dhe paguajnë vetëm kontributet. Por po ashtu tatimi i tyre ndihmon edhe skemën e pensioneve të fuqizohet më shumë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tefik: 29/12/2023 21:15

    Te paguajne se mjeket dentistet,avokatet etj jane bere milionera duke xhvatur miletin

    Përgjigju
    • Tefik lapsi: 30/12/2023 09:16

      Dhe ti mendon se po ju rriten shpenzimetmjekeve, dentisteve, fotografeve, It-ve, elektricisteve nuk do te ta rrisin cmimin ty?

    • Tefke: 30/12/2023 01:38

      Po mo tefke vazhdo bej hesapet e te tjereve ti. Rrjepja per se gjalli po te behet jane oligarket dhe politikanet e korruptuar, jo nga profesionistet, hidrauliket e marangozet qe s'marrin asgje nga shteti dhe tw gjitha i sigurojne vete, po ti si myk qe je per ata nuk e hap gojen

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça