"Duaje tokën mbroje të ardhmen" kjo ka qenë tema aktivitetit të organizuar në Fishtë të Lezhës nga aleanca e kuzhinierëve slow food, të cilët kanë për qëllim mbrojtjen e biodiversiteti.
 
Kuzhinieret e njohur Altin Prenga, Sokol Prenga dhe Armond Kikini u bënë bashkë duke gatuar produkte të zonës, ndërsa për të përcjellë mesazhin sa e rëndësishme është toka ishin fëmijët të cilët për një ditë  provuan që të bëhen fermer.
 
Ata preken nga afër gjithçka ka natyra, duke bërë punë të ndryshme në bujqësi që nga mbledhja, korrja dhe mjelja e kafshëve në fermën e mrizit.
 
Shefat e kuzhinës të aleancës slow food thonë se është e nevojshme që njerëzit të afrohen pranë tokës për të kuptuar vlerën që kanë produktet kjo si mënyra e vetme për tu ushqyer shëndetshme.
 
Pas lodhjes, fëmijët kanë provuar edhe gatimet e shefave të kuzhinës. Në këtë aktivitet Arti i kuzhinës i është dedikuar terësisht tokës, ndërsa të ardhurat do ti bashkohen fondit për mbrojtjen e biodiversitetit.
 


dy.b/shqiptarja.com