5 vite pa Sokol Olldashin, vëllai kritika të forta Bashës: Prisni që mëshira e kohës t’ju falë pushtetin

Ardian Olldashi, vëllai i ish-deputetit të PD, Sokol Olldashi që humbi jetën pesë vite më parë në një aksident në rrugën Elbasan-Tiranë ka postuar një status në faqen e tij në Facebook pas reagimeve përkujtimore në rrjetet sociale, mes tyre edhe ai i kryetarit të PD, Lulzim Basha.

Lideri i PD shkruante mbrëmë ndër të tjera se Sokoli ‘në jetën e tij të shkurtër preku shumë jetë, ndihmoi shumë ëndrra. La pas dashuri, kujtime të paharrueshme dhe një shembull përjetësisht frymëzues’ (Lexo këtu). 

Por, vëllai i Olldashit ka reaguar duke kritikuar drejtimin e Partisë Demokratike, ndërsa shton se “Nuk u kujtuat“ me vetëdije për Sokolin një muaj pasi ishte larguar në kongresin tuaj të rimëkëmbjes, kujtoheni pesë vjet pa një ditë më pas në luginën tuaj të lotëve, ku prisni që mëshira e kohës, ndoshta kur do jeni zbardhur vetëm nga flokët t’ju falë edhe një herë pushtetin që nuk dini ta fitoni”.

NE EMER TE TIM VELLAI

“Democrazia e narcizizmit“ e mbarsur me gjeste te bujshme, deklarata boshe, fraza te prera me mase per rrethanat dhe interesat ne rrjetet sociale me bind edhe nje here qe populli shqiptar eshte me i mire se politikanet qe ka. Sidomos e kam fjalen per ate pjese te klases politike qe nuk arriti kurre te ishte opozite. Ne vend qe te ndermerrnin rruge te reja, ndoshta te veshtira dhe te rrezikshme preferuan te thaheshin, te atrofizoheshin se bashku me partine e tyre.

Koha eshte mesuesi me i mire. Koha po tregon se c‘bene. Si karroca pa kale ne tatepjeten e deshtimit kerkojne te kapen kudo. Kapen tek datat perkujtimore (te gabuara si cdo gje qe bene ne jete)per te mos perfunduar ne faqen qesharake te historise si ata qe shkaterruan, perdhunuan, keqperdoren besimin dhe shpresen e manipuluar te demokrateve te vertete.

Nuk u „kujtuat“ me vetedije per Sokol Olldashin nje muaj pasi ishte larguar ne kongresin tuaj te rimekembjes, kujtoheni pese vjet pa nje dite me pas ne luginen tuaj te loteve, ku prisni qe meshira e kohes, ndoshta kur do jeni zbardhur vetem nga floket t’ju fale edhe nje here pushtetin qe nuk dini ta fitoni. Ju dhe ipertrofia juaj e Unit jeni pergjegjes historike te kesaj katastrofe qe demokratet e vertete nuk ju kishin borxh.

Statusi i plotë i vëllait të Sokol Olldashit, Ardian Olldashi

Sokol Olldashi vdiq më 20 nëntor 2013, pas një aksidenti të rëndë automobilistik në Krrabë. Aksidenti ndodhi në mbrëmje, teksa ish-deputeti humbi kontrollin e makinës, duke u rrëzuar 20 metra poshtë në humnerë, duke gjetur vdekjen e menjëhershme.

TAG:
• lulzim basha
• sokol olldashi