7 gjyqtarë ‘VIP’ kërkojnë të ‘rikthejnë nderin’ pasi dhanë dorëheqjen nga frika e Vettingut, lista nga Agim Bendo te Fullani

7 gjyqtarë ‘VIP’ kërkojnë të ‘rikthejnë nderin’ pasi dhanë dorëheqjen nga frika e Vettingut, lista nga Agim Bendo te Fullani

Agim Bendo dhe Arjana Fullani

TIRANE - Pesë emra të njohur të drejtësisë shqiptare, të cilët dhanë dorëheqjen për të evituar përballjen me Vettingun, kanë nisur një betejë ligjore në Kolegjin e Posaçëm të Apelimit, me qëllim për t’u larguar me ‘kokën lart’ nga drejtësia si dhe për të hequr shënimin e përjashtimit për 15 vjet nga e drejta për t’u rikthyet në sistem.

Gjyqtari i Apelit, Agim Bendo, para se të dilte para Komisionit të Vettingut, dha dorëheqjen nga drejtësia, me pretendimin se ishte sëmurë. Bendo, i cili ka marrë pjesë në gjykimin e dosjes së 21 Janarit, duke i konsideruar vrasjet në bulevard si vrasje nga pakujdesia, ka paraqitur një kërkesë në Kolegj. Bendo kërkon ndryshimin e vendimit të Komisionit të Vettingut të shkallës së parë, duke hequr arsyen shëndetësore nga vendimi si shkak të dorëheqjes dhe për të vendosur daljen në pension. Bendo kërkon edhe heqjen e pikës dy të vendit, ky vendoset përjashtimi i tij për 15 vjet nga drejtësia, edhe pse thotë se ka dalë në pension.

Edhe Astrit Haxhialushi, i cili ka dhënë dorëheqjen nga drejtësia për arsye shëndetësore, i kërkon Kolegjit të Posaçëm të Apelimit, të rrëzojë pjesën e vendimit të KPK-së për ndërprerjen e Vettingut ndaj tij, ku përjashtohet për 15 vjet nga drejtësia.

Një lëvizje të tillë kanë ndjekur edhe ish-gjyqtarë të tjerë të njohur. Arjana Fullani, Evelina Qirjako dhe Aleksandër Muskaj dhanë dorëheqjen si anëtarë të Gjykatës së Lartë në vitin 2017, për shkak se u mbaroi mandati, ndonëse mund të qëndronin në detyrë sipas ligjit, siç bëri Ardian Dvorani, i cili është edhe sot pjesë e Gjykatës së Lartë, ndonëse mandati i ka mbaruar që në vitin 2014, pra gjashtë vite më parë.

Fullani, Qirjako dhe Muskaj nuk pranuan të shërbejnë as në Gjykatë së Apelimit. Ata u larguan nga sistemi, duke shmangur Vettingun. Për rrjedhojë Komisioni i Pavarur i Kualifikimit vendosi ndërprerjen e Vettingut dhe përjashtimin e tyre për 15 vjet nga drejtësia.

Të tre ish-gjyqtarët i janë drejtuar Kolegjit të Posaçëm të Apelimit me të njëjtin objekt: Heqjen e pikës dy të vendimeve të të KPK-së. Pika dy parashikon: “Të deklarojë humbjen e së drejtës së këtij subjekti për t’u emëruar gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë Gjyqësor ose Prokuror i Përgjithshëm, për një periudhë 15-vjeçare.”

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • salah: 26/02/2020 05:47

    Adrjana Fullani, është një grua super kriminale dhe e korruptuar, që bëri shumë super skandale nën Berishën

    Përgjigju
  • sulo permeti: 25/02/2020 19:08

    Shperndarjen e parlamentit Meta ta kerkonte kur e akuzuan si hajdut i 700 000 euro ,ku e pame ne tv me ze e figure.Eshte mesuar ai ,tja hedhe ,por kete rradhe ai eshte bere karragjoz,dhe si cdo njeri me minimum dinjiteti duhet te jape doreheqjen vete.Te dorezoje edhe bizneset dhe vilat e bera me korrupsion,parate efshehura jashte shtetit,do te lanin gjynahet.

    Përgjigju
  • HAJDUTËT ME ÇIZME: 25/02/2020 19:07

    Shikoni se çfar çudira ndodhin në Shqipri. Këta pisa këta hajdut me çizme kërkojn n " NDERIN " këta thon neve jemi hajdut të ndershëm. Çudira që ndodhin vetëm në Shqipri.

    Përgjigju
    • Tonini: 25/02/2020 20:11

      Ai do kerkoje shperdarjen e parlamentit.Por parlamenti nuk do miratoje.Eshte loje e Like floririt

    • Punajonmrekulli: 25/02/2020 19:40

      Ishim në dorën e dërdëçkave si kjo, të shikojme vazhdimin...

  • Sondazhi i ditës:

    Berisha-Meta e partitë e vogla bashkë për zgjedhjet vendore, a mendoni se fitojnë përballë PS?



×

Lajmi i fundit

VIDEO/ ‘Porsche’, ‘Audi’ dhe ‘Benz’ dhe një super vilë, ja pasuria e 46-vjeçarit në Elbasan që iu sekuestrua

VIDEO/ ‘Porsche’, ‘Audi’ dhe ‘Benz’ dhe një super vilë, ja pasuria e 46-vjeçarit në Elbasan që iu sekuestrua