75 vjetori i çlirimit ndaj fashizmit, Ruçi: Modeli i Europës, mësim për të gjitha qytetërimet

75 vjetori i çlirimit ndaj fashizmit, Ruçi: Modeli i Europës, mësim për të gjitha qytetërimet

Kryetari i Kuvendit, Gramoz Ruçi përshëndeti 75 vjetorin e fitores mbi fashizmin, çlirimin e popujve të Europës dhe përfundimin e Luftës së Dytë Botërore në Europë. Ruçi tha se Shqipëria ka arsye të jetë krenare pasi gjatë Luftës së Dytë Botërore u rreshtua në anën e duhur të historisë duke bërë që partizanët shqiptarë të jenë aleatë të çlirimtarëve të Europës. Kreu i Kuvendit, Ruçi tha se antifashizmi, liria dhe solidariteti janë themeli i Europës dhe model për të gjitha qytetërimet.

 “75 vjetori i fitores mbi fashizmin, çlirimit të popujve të Europës dhe përfundimit të Luftës së Dytë Botërore në kontinentin tonë të vjetër është një rast për të kujtuar se antifashizmi, liria dhe solidariteti qëndrojnë në themel të Europës së re. Lufta shkaktoi shumë shkatërrime, por nuk mundi të mbysë frymën e lirisë, humanizimit dhe solidaritetit të popujve të Europës dhe në mbarë globin. Liria e Europës erdhi nga betejat e ashpra dhe të përgjakshme në malet, luginat, detet, qiejt dhe qytetet e kontinentit, nga lufta vetëmohuese e ushtrive çlirimtare e partizane. Në këtë ditë, Shqipëria ka arsye të jetë krenare se pse gjatë Luftës së Dytë Botërore u rreshtua në anën e duhur të historisë; sepse luftëtarët e lirisë, të rreshtuar në Ushtrinë Nacional-Çlirimtare të partizanëve shqiptarë, çliruan atdheun tone dhe ndihmuan çlirimin edhe të popujve të tjerë; sepse bashkë me ushtritë antifashiste të vendeve aleate shpëtuan Europën dhe njerëzimin nga rreziku nazi-fashist. Gjatë këtyre 75 vjetëve popujt e Europës u ngritën mbi urrejtjen dhe gjakderdhjen që shkaktoi konflikti botëror dhe ndërtuan një Europë të re, të paqes, miqësisë, solidaritetit e mirëqenies. Një Europë që mbrohet nga NATO, si aleanca e paqes, lirisë dhe sigurisë. Kjo është Europa, para portës së të cilës gjendet sot Shqipëria. Të gjitha kombet dhe qytetërimet e sotme duhet të mësojnë nga modeli i Europës.”, shkruan Ruçi.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri