83 vjetori i lindjes së Ismail Kadaresë, Basha e uron shkrimtarin nga Kavaja

Kavajë- Kreu i PD, Lulzim Basha ka uruar 83 vjetorin e Ismail Kadaresë nga takimi me të rinjtë. Lideri i demokratëve e quan Kadarenë simbol i vokacionit perëndimor,në kohën kur vendi ishte me i izoluar se kurrë duke përmendur veprën e tij aq shumë të kontestuar gjatë regjimit komunist, Pallati i Ëndrrave. Basha cilëson Sulltanin, Enverin dhe Edvinin si kontrollues të ëndrrave të qytetarëve, apo Kryekadriu. Edhe pas urimit Basha nuk ka harruar të bëjë thirrje popullit kavajas për protestën e 16 shkurtit.

Fjala e plotë e Bashës gjatë urimit për Ismail Kadarenë

‘’Sot është ditëlindja e Ismail Kadaresë dhe dua ta urojmë këtu të gjithë së bashku, një shkrimtar i cili u bë simbol i vokacionit perëndimor të vendit tonë në kohën kur vendi ishte me i izoluar se kurrë. Po kështu dua tu rekomandoj, për ata që nuk e kanë lexuar, një nga veprat e tij që për mua është një preferuarat, Pallatin e Ëndrrave. Tek Pallati i Ëndrrave shpjegohet, sigurisht përmes metaforave të cilat u drejtohen Perandorisë Osmane por metafora është e qartë për shqipërinë totalitare të Enver Hoxhës, se pasi kishte kontrolluar gjithëçka, Sulltani, Enveri, Edvini, do që të kontrollojë edhe ëndrat e qytetarëve, Kryekadriu. Kërkon të kontrollojë mendimet e tyre, votën e tyre, gjithcka. Dhe kjo është shkarja në totalitarizëm, në atë sistem që Kavaja e hodhi poshtë dhe hapi rrugën për rikthimin e demokracisë. Sot kjo që kemi është nëj fasadë demokracie. Ndiheni ju që merrni vendime për jetën tuaj?! Ndiheni që kjo qeveri dhe ky parlament ju përfaqëson?! Ky është fundi i demokracisë. Një maxhorancë kukull në duart e krimit, me një qeveri kukull në duar e oligarkëve. Një kryeminsitër që vetëm për të qeverisur nuk qeveris. Me 16 shkurt ne duhet ti japim fund demokracisë fasadë. Mos harroni me 16 shkurt ju jeni qeveria dhe qeveritarët janë qytetarë privatë para jush.’’

TAG:
• lulzim basha
• Ismail Kadare
• ditëlindje