POP 5

Lajmet më të lexuara të 5 minutave të fundit

Apeli rrëzon ortakët e Kadiut

Gjykata e Apelit rrëzon ortakët e Yassim Kadi, aksionerë të dy kullave gjigande përballë Kryeministrisë Shqiptare.
(28/2/2002) TIRANE Gjykata e Apelit rrëzon ortakët e Yassim Kadi, aksionerë të dy kullave gjigande përballë Kryeministrisë Shqiptare. Pas 4 orësh, kryetari i trupit gjykues Muharrem Kushe, ka deklaruar lënien në fuqi të "sekuestros preventive të vendosur mbi ndërtesën karabina të Qëndrës së Biznesit e Apartamenteve Rezidenciale, në sheshin 'Dëshmorët e Kombit'". Gjithçka është bërë fshehurazi, larg gazetarëve dhe syrit të kameras. Gjashtë avokatë mbrojtës, kanë përfaqësuar në seancën e djeshme gjyqësore Marsel Skëndaj, Vladimir Kosta, Vasil Naçi, Besnik Shtino, Abdul Latif Salah, Karavan Sh.p.k, TID sh.p.k. Përpara trupit gjykues të kryesuar nga Muharrem Kushe, kryetar i kësaj gjykate, ata kanë kërkuar prishjen e vendimit të Gjykatës së shkallës së parë të Tiranës në lidhje me sekuestron preventive të vendosur mbi dy kullat. Këtë vendim e kishte marrë gjykata e Tiranës më 18 janar të këtij viti, me kërkesë të Prokurorisë së Përgjithshme, pasi në listën e personave që kishin hedhur aksionet në këtë projekt gjigand që po ndërtohet përpara Kryeministrisë shqiptare ishte dhe Yassim Kadi. Shtetasi arabo-saudit dyshohej se ishte bashkëpunëtor i organizatës terroriste Al Qaeda dhe akuzohej për "pastrim parash". Rreth 39 përqind e aksioneve i përkisnin 47-vjeçarit nga Arabia Saudite, Yassim Kadi, si një nga bashkëpronarët, porositësit dhe ndërtuesit e projektit gjigand. Leja e ndërtimit e Qendrës së Biznesit e Apartamenteve Rezidenciale në bulebardin "Dëshmorët e Kombit" mbante datën 18 tetor të 1996. Ndërsa kontrata që bënte Yassim Kadi bashkëpronar në këto dy kulla ishte nënshkruar dy vjet më parë. Sipas avokatëve mbrojtës të shoqërive ndërprerja e punimeve për një kohë të gjatë do të çonte në falimentimin e gjithë bashkëpronarëve të këtyre dy ndërtesave. Për këtë ata i kërkuan Gjykatës së Apelit të hedhin poshtë vendimin e gjykatës më të ulët për sekuestron preventive të gjithë ndërtesës, duke bërë sekuestron fizike vetëm për pjesën që është në pronësi të Yassim Kadi. Pasi ka dëgjuar pretendimet e palëve gjykata është tërhequr për vendim dhe në orët e mesditës ka lexuar vendimin që linte në fuqi "sekuestron preventive të dy kullave".

//Shqiptarja.com
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Veliaj me pensionistët e Njësisë 1: Reforma për sigurimet shoqërore, hap rrugën për pensione më dinjitoze

31 Tetor, 15:17