POP 5

Lajmet më të lexuara të 5 minutave të fundit

Dy kullat, ortakët apelojnë

Aksionerët e dy kullave gjigande të ngritura pranë Kryeministrisë, apelojnë vendimin e "sekuestros preventive të prokurorisë mbi ndërtesën (karabinà) të Qendrës së Biznesit e Apartamenteve Rezidenciale".
(26/2/2002) TIRANE Aksionerët e dy kullave gjigande të ngritura pranë Kryeministrisë, apelojnë vendimin e "sekuestros preventive të prokurorisë mbi ndërtesën (karabinà) të Qendrës së Biznesit e Apartamenteve Rezidenciale". Burime nga Gjykata e Apelit bëjnë të ditur se janë Marsel Skëndaj, Vladimir Kosta, Vasil Naçi, Besnik Shtino, Abdul Latif Salah, Karavan Sh.p.k, TID sh.p.k , paditësit që i kanë kërkuar Gjykatës së shkallës së dytë të Tiranës prishjen e këtij vendimi. Dje ka qenë seanca e parë gjyqësore e këtij procesi. Por kryetari i trupit gjykues, njëkohësisht dhe kryetar i Gjykatës së Apelit, Muharrem Kushe, është detyruar të shtyjë, për të mërkurën, seancën gjyqësore pasi mungonte një nga avokatët mbrojtës të shoqërive ankimuese. Leja e ndërtimit e Qendrës së Biznesit e Apartamenteve Rezidenciale në bulebardin "Dëshmorët e Kombit" mbante datën 18 tetor të 1996, katër ditë pasi e kishte miratur KRRT e Bashkisë së Tiranës. Dy kullat filluan të ngriheshin në qendër deri më 18 janar të këtij viti, kur Gjykata e shkallës së parë e Tiranës me kërkesë të prokurorit të Prokurorisë së Përgjithshme, Aleksandër Goga, vendos sekuestron preventive mbi ndërtesën karabina. Sipas vendimit Yassim Kadi, emri i të cilit është në listën e personave të dyshuar se kryejnë aktivitet terrorist dhe mbështesin financiarisht terrorizmin, është bashkëpronar porositës dhe ndërtues i këtij projekti. Shtetasi arabo- saudit akuzohet për "pastrim parash". Ai ka pasur më shumë se 38 përqind të aksioneve në këtë biznes. Ndërkaq, nëpërmjet një dokumenti i dyshuari dhe i dëbuari për lidhjet me rrjetin ndërkombëtar të terrorizmit rezulton se ka edhe 2.5 përqind të aksioneve të trashëguara nga Abdyl Latifi, një tjetër shtetas me origjinë arabe i dëbuar nga Shqipëria në nëntor të 3 viteve më parë, edhe ky i dyshuar për lidhje me rrjetin e terroristëve. Sipas testamentit të botuar nga "Gazeta Shqiptare" në dhjetor të vitit 1993, Latifi i dhuron vullnetarisht të gjitha pronat Yassim Kadiut. Yassim Kadiu është edhe pronar i 55 përqind të aksioneve të Karavanit, firmë e cila ka ndërtuar një numër pallatesh në kryeqytetin shqiptar.

//Shqiptarja.com
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Veliaj me pensionistët e Njësisë 1: Reforma për sigurimet shoqërore, hap rrugën për pensione më dinjitoze

31 Tetor, 15:17