POP 5

Lajmet më të lexuara të 5 minutave të fundit

"Gazeta" denonconte 10 muaj më parë për paratë e dy kullave

"Kjo ishte mënyra më e mirë që në një vend si Shqipëria me mungesë të theksuar të kontrollit nga ana e shtetit, të realizohej pastrimi i parave". Në këtë mënyrë mbyllej shkrimi i "Gazeta Shqiptare" në fillim të marsit 2001
(22/1/2002) "Kjo ishte mënyra më e mirë që në një vend si Shqipëria me mungesë të theksuar të kontrollit nga ana e shtetit, të realizohej pastrimi i parave". Në këtë mënyrë mbyllej shkrimi i "Gazeta Shqiptare" në fillim të marsit 2001, kur shkruante lidhur me dy kullat që po ndërtoheshin në Bulevardin "Dëshmorët e Kombit", duke denoncuar jo vetëm shkeljet e ligjit shqiptar për mënyrën e marrjes së lejes së ndërtimit, por edhe për "pastrimin e parave" nga firma ndërtuese. Më pas "Gazeta" tregonte se firma ndërtuese e dy kullave, arabja "Karavan Konstruksion", drejtor i së cilës ishte jordanezi Abdyl Latif, ishte shumë e dyshimtë lidhur me aktivitetin ekonomik të saj. Në javët e para të nëntorit 1999, ky shtetas i dyshimtë jordanez, Latif, ishte izoluar dhe dëbuar nga Shqipëria nga shërbimet sekrete të CIA-s, si i dyshuar me terroristin islamik Bin Laden. Jordanezi 42-vjeçar jetonte që prej shtatë vitesh në kryeqytetin shqiptar dhe fillimisht kishte ardhur si përfaqësues i disa fondacioneve islamike, të cilat ndihmonin popullin shqiptar. Madje ai kishte arritur që të merrte nga autoritetet më të larta të shtetit tonë edhe shtetësinë shqiptare. Pra, Abdyl Latif kishte drejtuar deri në nëntorin e 1999-s, deri në momentin që ishte transportuar për në aeroportin e Rinasit, ndërtimin e dy kullave binjake përballë Piramidës dhe selisë qeveritare. Edhe marrja e lejes ndërtimore në atë zonë është një çështje tjetër më vete, ku autoritetet shtetërore kanë "shkelur me të dyja këmbët" ligjet në fuqi. Deri në vitin 1992 kjo zonë ka qenë si pjesë ku nuk mund të kryheshin ndërtime. Por, pas ardhjes në pushtet të PD-së, në kohën e ripronësimeve, këto terrene iu rikthyhen ish-pronarëve. Këtu nis "biznesi". Pronarët ia shitën një italiani dhe ky ia rishiti firmës "Makalbania". Par kohë më pas firma "Makalbania" ia shiti një tjetër firme saudite, "Karavan Konstruksion". Me sa duket shitjet e rishitjet janë bërë sepse "pronarët" nuk mundnin të siguronin lejen për ndërtim. Në vitin 1994 ndodhi për herë të parë shkelja ligjore nga KRT-ja (e Bashkisë) dhe ajo kombëtare, që i dhanë firmës që kishte blerë tokën, të drejtën të kryente ndërtimin. Menjëherë nisi ndërtimi i kullave. Por atë kohë, kur "Gazeta" denonconte, askush nuk reagoi, përjashtuar "palë-sn e prekur", e cila kërcënoi gazetën se do ta hidhte ne gjyq për shpifje.

//Shqiptarja.com
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Veliaj me pensionistët e Njësisë 1: Reforma për sigurimet shoqërore, hap rrugën për pensione më dinjitoze

31 Tetor, 15:17