POP 5

Lajmet më të lexuara të 5 minutave të fundit

Sociale

A do të ndryshojnë aromat
më të njohura të parfumeve?

A e dinit që shumë nga përbërësit e parfumeve më të njohura në botë kanë përbërës që mendohen se janë të “dëmshëm”?
A e dinit që shumë nga përbërësit e parfumeve më të njohura në botë kanë përbërës që mendohen se janë të “dëmshëm”? Parfume si Chanel No.5 dhe Miss Dior janë disa prej atyre që pritet t’u ndryshojnë aromat bazuar në rregullat e reja anti-allergjike të Bashkimit Europian që do të vihen në fuqi në vitin 2015-të.

Patricia de Nicolaï e cila ka prodhuar aroma të reja për markën franceze Nicolaï prej 25 vitesh, tregon se ka nisur të ndryshojë disa nga formulat e parfumeve të saj më të shtrenjtë për shkak të elementëve që janë ndaluar nga BE si allergjike ndaj shumicës së njerëzve. Sipas saj një ndër to është dhe myshku apo oak moss i cili përdoret shumë nga pothuajse të gjithë prodhuesit e parfumeve për shkak të aromës së fortë dhe jetëgjatësisë që i jep atyre.

Bashkë me të Brukseli do të ndalojë përdorimin e dy molekulave të myshkut si atranol dhe chloroatranol që do t’i bëjë parfumet më të lehtë, me esenca më delikate.
Komisioni Europian ka ndaluar gjithashtu dhe një molekulë sintetike e quajtur HICC e cila zëvendëson aromën e tulipanëve të ujit. 

Sipas De Nicolaï ndryshimi i formulave të parfumeve mund të jetë i thjehstë kur bëhet fjalë për vetëm një element, por nëse janë më shumë se dy është një proçes i vështirë dhe zëvendësuesit e substancave të ndaluara mund të shndërrojnë aromën e parfumeve, ku pjesë e këtij shndërrimi do të jenë dhe disa nga aromat më të dashura dhe më të përdorura në botë. 

Kjo sipas Agjensisë Ndërkombëtare të Aromave bëhet për të shmangur alergjitë, duke qenë se raste të tilla janë rritur kohët e fundit. Një reaksion allergjik i zakonshëm ndodh pas kontaktit të produktit me lëkurën dhe shkakton pezmatim me kruarje, skuqje ose çarje të lëkurës.

Redaksia Online
(Suada B. / Shqiptarja.com)

/Shqiptarja.com
  • Sondazhi i ditës: 15 Mars, 07:27

    A mendoni se SPAK po e heton siç duhet masakrën e Gërdecit?

Lajme të tjera



×

Lajmi i fundit

‘Ti na ftove në shtëpinë tënde dhe unë nuk mund të vija duarbosh’ / Ina Majko e komunitetit rom i dhuron Ramës një libër dhe i tregon simbolin e vathëve

‘Ti na ftove në shtëpinë tënde dhe unë nuk mund të vija duarbosh’ / Ina Majko e komunitetit rom i dhuron Ramës një libër dhe i tregon simbolin e vathëve

15 Mars, 14:03