A do të futet PD në zgjedhje? Basha jep sinjale nga Lezha

Kreu i Partisë Demokratike ishte pasditen ee djeshme në Lezhë ku u takua me kryesinë e kësaj force politike në këtë rreth. Basha u ndal në aksionin opozitar me qëllim largimin e kryeministrit Rama nga pushteti. Ai tha se forca popullore do të ndërthuret me programin e PD që ka për qëllim krijimin e një Shqipërie Europiane.

"Qëllimi i takimit ishte të shprehje vlerësimin tim për përpjekjet e qytetarëve të Lezhës në këtë rrugëtim që kemi nisur të gjithë për një Shqipëri Europiane", tha Basha

Pyetjes nëse do të marrë pjesë opozita në zgjedhjet lokale Basha iu përgjigj se ka kohë për të folur për të gjitha duke shprehur pavendosmëri mbi qëndrimin e mbajtur më herët për bojkot të procesit zgjedhor.

Po dje nga Shkodra, Basha nuk dha një përgjigje kur u pyet nga gazetarët se a do të marrë pjesë opozita në zgjedhjet vendore të 30 qershorit 2019. U përgjigj me një pyetje: Kur janë zgjedhjet?

Kështu, duket se demokratët ende nuk kanë marrë një vendim nëse do t'i bojkotojnë zgjedhjet apo nëse do të marrin pjesë në to.

Nga ana e tij kryeministri Edi Rama është shprehur më herët se siç ka ndodhur edhe më parë, opozita do të pranojë në moment të fundit të futet në zgjedhje.

TAG:
• lulzim basha
• zgjedhjet lokale 2019