I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte nutricionisti nga Suedia Altin Joka, i cili foli për aciditetin e stomakut, kryesisht atë të ulët, duke treguar dhe problematikat shëndetësore që mund të vijnë nga mungesa e acidit në stomak.
”Stomaku ynë duhet që të jetë acid dhe jo alkalik, ndërsa gjaku ynë duhet të jetë alkalin” tha Altini në fillim të bisedës, duke shtuar se në rast se nuk është ky lloj aciditeti, stomaku nuk do funksionojë mirë dhe do na sjellë probleme më pas. Në zorrën e hollë pehashi rritet, ndërsa në zorrën e trashë ulet, pra stomaku ynë duhet të jetë acid dhe gjaku ynë alkalin dhe kjo nuk duhet ngatërruar, sipas nutricionistit.
Por cilat janë disa shenja që tregojnë se kemi aciditet të ulët të stomakut?
“Refluksi, mos tretja e ushqimit, urthi, fryrja e barkut, djegie në pjesën e ezofagut apo gromësima, mund të kemi probleme me acidin e ulët. Tre qëllimet e aciditetit të stomakut janë: për të vrarë acidet, për zbërthimin e nivelit të proteinave, dhe për të ndihmuar përthithjen e mineraleve dhe vitaminave dhe nëse do e kemi të ulët aciditetin në stomak, këto procese nuk do ndodhin” thekson Joka.
Por cilat janë pasojat dhe problematikat shëndetësore që na shfaqen nga disbalancimi i aciditetit në stomak?
“Nëse nuk kemi nivelin e duhur të pehashit, i cili duhet të jetë nga 1 në 3, nuk do të zbërthehet niveli i proteinave, do të kemi probleme me serotoninën dhe si pasojë me ankthin dhe depresionin. Kur acidi është i ulët, vitamina apo minerale si Magnezi, Zingu, B-12, Hekuri, etj, nuk absorbohen për të kaluar më pas në zorrë. Kur ne nuk kemi aciditet në normë, sfinkeri, nuk bën mbylljen dhe krijon refluksin, më pas do kemi dhe baktere që do t’a kolonizojnë stomakun dhe një nga bakteret kryesore është helikobakteri, i cili zhvillohet kur kemi një mjedis alkalin në stomak. Më pas është problemi i irritimit të zorrëve, që krijon atë që njihet si zorra e irrituar, element tjetër është dhe çështja e Tiroides, pasi acidi i ulët sjell probleme me këtë të fundit” thotë Joka.
Pyetjes së moderatores, nëse ka një mënyrë për të testuar vetë në shtëpi aciditetin e stomakut, nutricionisti Altin Joka, ekspert i mjekësisë holistike i përgjigjet:
“Eshtë e rëndësishme të bëhen disa testime tek gastrohepatologu për të parë nivelin e aciditetit në stomak. Por mund të bëhet dhe një provë e thjeshtë në kushtet e shtëpisë. Nëse kemi urth apo djegie stomaku, duhet të merret gjysmë kokrre limoni, duke u shtrydhur e më pas konsumuar. Nëse stomaku qetësohet, tregon se niveli i aciditetit ka qenë i ulët. Një provë tjetër është testi me sodën e bukës. Para ushqimit mund të konsumojmë sodë buke, ku në 100 ml ujë të hedhim një lugë sodë, nëse pas 5 minutave nuk do të kemi gromësira, atëherë mund të jetë një shenjë treguese e aciditetit të ulët”.
Por a ka ndonjë mënyrë për t’a normalizuar aciditetin e stomakut?
“Së pari ne duhet të gjejmë shkaqet pse pakësohet acidi në stomak. Një nga shkaqet mund të jetë helikobakteri, më pas kemi faktorin moshë, ushqimet që konsumojmë apo shpejtësia e konsumit që kemi. Pirja e alkoolit dhe duhanit, përdorimi i ushqimeve të procesuara, ushqimeve pikante apo kosumimi i lartë i kafesë, sikurse stresi i lartë janë faktorë kryesorë në problemet me stomakun. Njerëzit mund të bëjnë dhe një test tjetër, të konsumojnë për disa ditë Magnez dhe nësë do të qetësohen, tregon se kanë aciditet të ulët të stomakut” tha Altini, duke shtuar se kur aciditeti është i ulët, duhet të shtohen ushqimet me nivele të larta aciditeti për t’a normalizuar. Nëse kemi aciditet të ulët, rekomandohet të konsumohet lëng limoni apo uthull para vaktit për të balancuar aciditetin. Mund të konsumohet një kafe, çokollata e zezë, hudhra, qepa, djathi, domatja, speci pikant, uji i kokosit, ushqimet me kalium, ushqimet me magnez, apo çajra të ndryshëm si kamomili, mente, xhinxhër, etj.”
Studimet kanë treguar se 72 % e rasteve që kanë shqetësime me aciditetin e stomakut, kanë lidhje me faktorin e ushqyerjes dhe stilin e jetesës.
Lajme të tjera
-
Ja ç’do ndodhë në Dhjetor! Lëvizje të forta planetare, Jorgo Pulla paralajmëron shenjat…/ Horoskopi për muajin Dhjetor
25 Nëntor, 15:54 -
Nustricionisti dhe specialisti i Mjeksisë Holistike, Altin Joka: Ndryshimi i stilit të jetës dhe të ushqyerit ju zgjat jetën
24 Nëntor, 13:32 -
Lakra ‘bomba’ që vret sëmundjet, Altin Joka: Magjia e lakrës nëse e përdorim rregullisht/ Disa kombinime për kura specifike
20 Nëntor, 17:00 -
Mjalti, shëruesi i madh i 216 sëmundjeve, Altin Joka: Si të përdoret pa humbur vlerat / Provat e pagabueshme, si të dallojmë mjaltin pa hile
20 Nëntor, 16:33 -
‘Kujdes nga skandalet, çdo gjë shihet me lupë’, Jorgo Pulla paralajmëron… /Horoskopi javor 18-24 nëntor
18 Nëntor, 13:57 -
Ylli Merja prezanton 'frutin magjik' insulinë natyrale e diabetikëve/ Shenjat e hershme të diabetit dhe regjimi ushqimor
11 Nëntor, 16:28 -
Mundësi ideale në punë! Ja shenjat që përfitojnë…/Horoskopi javor 11-17 nëntor nga Jorgo Pulla
11 Nëntor, 13:12 -
Mos i neglizhoni miomat/ 'Mishi i huaj' në mitër, ja si të shpëtoni pa kirurgji me kurën nga Ylli Merja
4 Nëntor, 16:30 -
Ndryshime kolosale këtë javë/ 'Alarm shenjat e ...' Horoskopi 4-10 nëntor nga Jorgo Pulla
4 Nëntor, 13:28 -
Supë me mish qengji nga gazetarja Admirina Peçi
31 Tetor, 11:47 -
Sallatë e egër me lëng shege nga Admirina Peçi
31 Tetor, 11:40 -
Hasude me arra sipas traditës matiane nga Admirina Peçi
31 Tetor, 11:34
