Zëvendëspresidentja Harris, në mesazhin e saj të parë për mbështetësit që nga fjalimi i pranimit të humbjes më 6 nëntor, u ka kërkuar atyre të mos lejojnë askënd “t’ua marrin fuqinë” — por videoja shkaktoi menjëherë pyetje nga përdoruesit e rrjeteve sociale për gjendjen e saj.
“Thjesht dua t’ju kujtoj, mos lejoni asnjëherë që dikush t’ju marrë fuqinë,” tha ajo në një video të postuar nga llogaria e Partisë Demokratike në X (ish-Twitter).
“Keni të njëjtën fuqi që kishit para 5 nëntorit. Dhe keni të njëjtin qëllim, të njëjtën aftësi për të angazhuar dhe frymëzuar. Pra, mos lejoni që dikush apo ndonjë rrethanë t’ju marrë fuqinë tuaj.”
Videoja, që u bë virale, tronditi përdoruesit e mediave sociale, të cilët ngritën pyetje për pamjen e saj të lodhur dhe spekuluan nëse ishte “e dehur”.
“Kush mendoi se kjo ishte një ide e mirë? Për kë është kjo? Çfarë po thotë ajo? Sërish, do të përsëris se po udhëhiqemi nga idiotë,” pyeti Tyler Austin Harper, një kontribues i The Atlantic.
“Pse të publikosh një video ku ajo duket kaq e dehur?” pyeti autori Bethany Mandel.
“Asnjë politikan tjetër që nuk urrehet nga stafi i tij nuk do të kishte publikuar një video të tillë,” shtoi Dan McLaughlin, shkrimtar në National Review Online.
Vice President @KamalaHarris’ message to supporters. pic.twitter.com/x5xMUGTtkz
— The Democrats (@TheDemocrats) November 26, 2024
Videoja u publikua ndërsa pyetjet për të ardhmen politike të Harris shtohen, duke u përgatitur për largimin nga detyra. Ajo konsiderohet si një nga favoritët për kandidaturën demokrate për vitin 2028, sipas sondazheve të fundit nga Morning Consult, ku 43% e demokratëve dhe të pavarurve që mbështesin demokratët kanë thënë se do ta mbështesnin atë.
Harris ka dalë më mirë se kandidatët e tjerë hipotetikë, si Guvernatori Newsom, i cili mori vetëm 8%. Sondazhi gjithashtu tregon se shumica e demokratëve (62%) mendojnë se Harris duhet të ketë një “rol të madh” në të ardhmen e partisë.
Megjithatë, pas zgjedhjeve presidenciale të vitit 2024, drejtuesit e fushatës së Harris kanë pranuar se sondazhet e brendshme nuk e kishin asnjëherë atë në avantazh të sigurt kundër Trump-it — edhe kur sondazhet publike sugjeronin të kundërtën — dhe gara ishte gjithmonë shumë e ngushtë.
Lajme të tjera
-
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Agron Gjekmarkaj: Sami Repishti iku, la pas një monument
27 Nëntor, 20:40
-
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
SHBA/ Kërcënime me bomba ndaj të përzgjedhurve të Trump për kabinetin e ri! Reagon FBI
27 Nëntor, 19:01 -
NBA/ Phoenix i jep leksion Lakers, Milwaukee 'shkelmon' krizën! Fitojnë Bulls e Rockets
27 Nëntor, 14:24 -
Javier Mascherano fiton garën me Sylvinhon, prezantohet zyrtarisht te Inter Miami
27 Nëntor, 13:53 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Trump nënshkruan marrëveshje me Shtëpinë e Bardhë për të filluar zyrtarisht transferimin e pushtetit
27 Nëntor, 07:13 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
-
NBA/ Oklahoma lider në Perëndim, fiton Celtics! Zhgënjejnë Golden State dhe Denver
26 Nëntor, 11:29
